ULS DE SA PROVINTZIA E ARCHIVIU DE S’ISTADU DE NUGORO. SIGHIT SA COLLABORATZIONE

SA DIRETTORA DE S’ULS DE SA PROVINTZIA DE NUGORO SA DR.SSA MARIA ANTONIETTA PIGA,

NOS AT MANDADU CUSTA COMUNICATZIONE CHI PONIMUS CUN MEDA PIAGHERE IN CUSTU BLOG.

LO FAGHIMUS CA SA DIRETTORA DAE TEMPUS MEDA EST COLLABORENDE IN MANERA MEDA BONA CUN SA DIRETTORA DE S’ARCHIVIU DE S’ISTADU DE NUGORO SA DR.SSA ANGELA ORANI.

DUAS FEMINAS CHI SI SUNT FATZENDE DE CUSTA COLLABORATZIONE UNA COSA BONA PRO TOTTA SA LIMBA, S’ISTORIA E SA CULTURA SARDA.

TORRAMOS GRATZIAS PRO CUSTA COMUNICATZIONE E PRO SA DISPONIBILIDADE CHI ANT SEMPRE DADU A S’ULS DE SA  COMUNA DE SINDIA.

SU DR. MARIO A. SANNA –  

 

S’Ufìtziu limba sarda provintziale e s’Archìviu de Istadu bos cùmbidant, pro sa festa de sa mùsica, a s’addòviu:

 

maghias de sonos e limba

letzione/cuntzertu de su Tenore “Santu Gavinu” de Onieri

 

sàbadu, su 21 de làmpadas, dae sas 10 de mangianu

sala de istùdiu de s’Archìviu de Istadu

carrera de Mereu (ue bi fiat su Bingo)

 

 

Sa festa de sa mùsica est unu de sos addovios, in intro de s’annu, de importu prus mannu in totu Europa. Est naschida in Frantza, in su 1982, e dae su 1995 est diventada internatzionale e benit festada in totu sas tzitades europeas prus importantes. Dae su 1999 sa Presidèntzia de su Cussìgiu at dadu su patrotzìniu suo reconnoschende ufitzialmente s’interesse pùblicu e s’importu mannu pro sa cultura.

Est finas pro custu chi s’Ufìtziu limba sarda provintziale at ammaniadu custa die paris cun s’Archìviu de Istadu de Nùgoro, sienda de istòria, limba e cultura.

Cherimus chi sa mùsica, cale si siat, siat unu limbagiu universale, pandela de boghes e significos artos, sena làcanas perunas.

Amus pensadu a su cantu a tenore: boghes chi si pesant a bolu pro ispàrghere sas alas insoro in cale si siat angrone de su mundu, cun sos nuscos de sa terra, sos sonos de sa limba, su sentidu de s’amistade.

 

Chie cheret intrare, paris cun su Tenore de Onieri, in su mundu prenu de maghias de custa manera totu sarda de cantare devet telefonare pro pigare su postu a s’Ufìtziu limba sarda (348 0819028) o s’Archìviu de Istadu (0784 33476).

 

Bos isetamus

Chin amighentzia

Mariantonietta Piga

ULS DE SA PROVINTZIA E ARCHIVIU DE S’ISTADU DE NUGORO. SIGHIT SA COLLABORATZIONEultima modifica: 2008-06-18T21:45:06+00:00da limbasardsindia
Reposta per primo quest’articolo
Questa voce è stata pubblicata in LINGUA SARDA-LIMBA SARDA. Contrassegna il permalink.

Lascia un commento