Forum subra Sindia

Caru Marieddu ti ringrazio e ti pregonto iscusa si appo impittadu custu blog po faeddare de custas cosas, ma mi dispiaghede ancora a lu narrede, (ma el gai), su comune nostru tenede unu situ po nudda aggiornadu e segundu a mie pagu funzionale. Mi permitto de narrede a su sindigu, si po casu seste intesu offesu, chi “no este intenzione mia offendede nisciunu, ma appo solamente crefidu faghede calchi battuta sarchastica”. Isco chi po sol giovanos, soprattutto laureadoso, este un momentu difficile, deo penso chi su fattu de podede usufruire de servizzios internet potta essere unu istimulu e una possibilidade in piusu po podede intraprendere calchi attividade. No mi parede giustu chi giovanos validos, istudiados e cun sanol principios no pottana creare sas proprias attividades in bidda, certu internet no bastada, bi cherene meda atterol SERVIZIOS… ma soprattutto, bi cherede grande voluntade e ispiritu de sacrificiu da parte de sol giovanos.
SEMOL NOI SU FUTURU DE SA IDDA, PERO’ SA IDDA, IN SU POSSIBILE, NOL DEVEDE AZZUARE… GRAZIE (Mi scuso per gli errori in limba ma essendo un blog della lingua sarda, mi sembrava giusto provarci…)

Scritto da : Bustianinu | 21/07/2008

 

Caru Bustianinu,

no mi depes torrare iscusa pro nudda. Podes iscrier comente cheres, ca custa limba sarda, tenet bisonzu de esser una limba iscritta, no solu pro sas poesias e pro sa deliberas e comunicados, ma puru pro fagher commentos subra sa vida de sa bidda de Sindia e subra de calisiat argumentu.

Comente as bidu, su Sindigu, nostru Franco Scanu , t’at torradu resposta a luego.

Custu Zassu o Chizzone (comente l’at a giamare calicunu) o Blog (a s’inglesa..), a die de oe, est s’unicu logu in cui si podent accattare sas noas subra de Sindia.

No cherio faghes cummentos subra su Situ Ufitziale de su Comune, ma est beru chi no est azornadu, comente custu, su Sindigu n’at ischire prus de a mie.

Deo soe isettende su rennovu de su cuntrattu, a dies.

Ma cando tenzo tempus, mi piaghet sighire custu zassu, ca est unu pagu “unu fizu meu”. Unu fizu meu, chi apo fattu pro sos Sindiesos, pro sos Emigrados, pro sos chi cherent connoscher Sindia.

In sas prossima dies, apo pubblicare tottus sos numeros de custu BLOG.

Pro como ti saludo e cando cheres, iscrie.nos!

Marieddu Sanna – Amministratore del Blog.

Forum subra Sindiaultima modifica: 2008-07-21T22:25:00+00:00da limbasardsindia
Reposta per primo quest’articolo
Questa voce è stata pubblicata in FORUM- DISCUSSIONES. Contrassegna il permalink.

Lascia un commento