ULS SINDIA - Ufìtziu Limba Sarda de su Comune de Sindìa (NU)

ISTEVENE DERIU UNU SINDIESU CHI SONAT SA BATTERIA….

ISTEVENE DERIU UNU SINDIESU CHI SONAT SA BATTERIA…

 

Abbaidente a sa lestra, s’urtimu numeru de sa rivista “SONOS E CONTOS” de su mese de nadale 2008,  in sas pazinas numeradas 58 e 59, si podet lezere un’intervista a sos componentes de su Gruppu Musicale “MAGAR” de sa bidda de MARA, chi est accurtzu a Putumaiore e Padria.

 

Custu Gruppu rock, at pubblicadu dae pagus tempus unu discu nou lumenadu “DENTRO E FUORI”.

Sa curiosidade benit, cando sos componentes de su gruppu ammentant  chi su batterista chi at sonadu cun issos in custu traballu est ISTEVENE DERIU, chi at lassadu su gruppu in su mese de triulas de cust’annos, a pustis de sa registratzione de su CD.

At a esser ISTEVENE DERIU, su sindiesu?

EST ISSU!!!

ISTEVENE DERIU, naschidu in su 1980, chi tra unu cuntzertu est s’ateru at leadu puru sa laurea in Economia in Tattari, est istadu formadu comente batterista da duos mannos mastros: su primu MARCO MALATESTA,  su segundu PAOLO ZANIN, chi est meda connotu pro aer sonadu cun su gruppu “ICE”, in sos annos norantas, binghinde cun sa cantone “MERE MANNA”, iscritta dae su mesu-sindiesu PIERO MARRAS, su Festival de Castrocaro e posca partetzipante in s’annu chi aiat sighidu a su Festival de San Remo cun sa cantone “MAMA” (semper de Piero Marras….).

Como Istevene tenet noos prozetos musicales.

Faghendeli sas uras pro unu benidore de mannu importu, ponimus inoghe sos cullegamentos (link), pro poder bider su zassu sou:

 

http://www.myspace.com/stefanoderiu

 

e chie ne cherrer ischire de prusu subra sos MAGAR podet abbaidare custos sos zassos:

 

www.magar.it

www.myspace.com/magarmusic

 

 

 

ISTEVENE DERIU UNU SINDIESU CHI SONAT SA BATTERIA….ultima modifica: 2008-12-10T23:03:00+00:00da
Reposta per primo quest’articolo