SOS AUGURIOS DE SU SINDIGU E DE TOTTUS SOS AMMINISTRADORES DE SINDIA A TOTTUS SOS SINDIESOS

 SU SALUDU E SOS AUGURIOS DE SU SINDIGU

PRO SA PASCA DE NADALE E SAS FESTAS DE SU MESE DE NADALE DE SU 2008

 

 

 

LOGO SINDIA SOLO IMMAG.jpg

COMUNE DE SINDIA

PROVINTZIA DE NUGORO

 

SU SINDIGU 

 

 In custu perìodu de sas Festas pro sa Pasca de Nadale, s’Amministratzione Comunale est accostu  cun sa bidda, cun sos aprettos e sas preguntas: in custas dies semus impignados in sa fase de analisi e de arrejonu e de legas chi amus a leare pro su bilantzu de s’annu sighente.

Sos augurios de su Sindigu e de sos Amministradores a sa tzitadinantzia, duncas no podent a esser solu formales, ma fundant subra de un impignu pretzisu, chi sighit una fase de iscultu e de comprensione chi nos ant giuttu a leare calicuna detzisione pro su benidore  de Sindia.

Sa situatzìone economica e sotzìale de sa bidda dimandat a tottus sacrifitzios mannos e duncas una presentzia forte accurtzu de Sindia e de sos Sindiesos: pro sos Amministradores custu chere narrer de a esser impignados cada die pro cumprender sos beros problemas de sa zente e sas potentzialidades pro sighire a fagher creschere sa bidda.

Depimus abbalorare s’esistente e subraettottu sighire a garantire a tottus sos derettos fundamentales: sa domo, sos servitzios, sa salude, sa creschida economica pro garantire sa dignitade e sa siguresa de su traballu.

  S’augùriu e s’impignu chi nos leamus est cussu de sighire a traballare, pro abballorare e tenner semper in mannu importu, s’ambiente,  sas traditziones e sa cultura. Amus a sighire cun impignu a traballare pro daer onore a sa bidda e no solu cun sa sensilibilizassione, ma finas cun d’una serie de aziones cuncretas, chi ant a fagher  de Sindia, una bidda prus galana, prus vivibile, prus segura, agradessida dae sos tzitadinos. Sindia est una bidda de paghe, e sa paghe tuccat puru dae custu respettu e da custu amore.

No cherimus irmenticare sas pessonas chi sunt solas, a sas cales faghimus sos augurìos de agatare s’ofettu de un’atera pessona o de una famìlia.

No cherimus irmenticare sas pessonas chi ant a passare sa Pasca de Nadale in sos Ispidales (o in ateros logos pro si che curare), cun s’ispera chi su progressu e sas chircas noas de sas iscientzias e de sa meighina non s’ant a frimmare e chi pro tottus, bi siat un’ispera de sanare dae calesisiat maladia.

No cherimus irmenticare sas pessonas chi un custas dies de festa ant a traballare pro no daer seguresa, assistentzia e succursu, con s’ispera chi siat una Pasca de Nadale de paghe chena perunu problema.

No cherimus irmenticare sos piseddos, cun s’ispera chi potzant crèdere in Babbu ‘e Nadale, no solu pro arrètzire donos, ma puru comente unu simbulu de s’innotzèntzia pura chi cheret  amparada in d’onni manera.

Unu mannu augùriu, a bois cuntzitadinos, cun  s’ispera chi custa Santa Pasca de Nadale, torret a tottus nois cun sos mannos balores de sa cristianidade, de s’amore, de sa fraternitade e de sa solidariedade, pro fagher tottu paris, chena chertos, su bene de tottus sos sindiesos.

Cherio fagher, a lumen de su Cunsizu de su Comune de Sindia, de sa Giunta e pessonales , sos augùrios pro una Felice Pasca de Nadale e pro unu Bonu Annu Nou

 

Frantziscu Scanu

SOS AUGURIOS DE SU SINDIGU E DE TOTTUS SOS AMMINISTRADORES DE SINDIA A TOTTUS SOS SINDIESOSultima modifica: 2008-12-17T23:15:16+00:00da limbasardsindia
Reposta per primo quest’articolo
Questa voce è stata pubblicata in COMUNICATZIONES DE SU SINDIGU- COMUNICAZIONI DEL S. Contrassegna il permalink.

Una risposta a SOS AUGURIOS DE SU SINDIGU E DE TOTTUS SOS AMMINISTRADORES DE SINDIA A TOTTUS SOS SINDIESOS

Lascia un commento