ULS SINDIA - Ufìtziu Limba Sarda de su Comune de Sindìa (NU)

UNA DIE E UNA MISSA IN SU MONTE RUGHE

UNA DIE E UNA MISSA IN SU MONTE RUGHE

 

Meda pessonas de sas biddas de Sindia, Putumaiore e Padria ant partetzipadu deris a sa Santa Missa, celebrada in su Monte Rughe, a 650 metros d’altaria, in sutta de sa Rughe Giubilare posta in s’annu 2000. Una die bona chi at inganidu meza zente a no mancare a custu attopu chi si faghet dae meda annos, a sa missa ant partetzipadu puru sas cuffrarias e sos giaganeddos de Sindia Putumaiore.

Su Monte Rughe chi istat in sa diretzione de tramuntana e levante de sa bidda de Sindia, in territoriu de Putumaiore, finas a su seculu XIX fiat lumenadu Monte Ruiu e in sos tempos innantis de sa leze  connnotta comente “Edittu subra sas chiudendas”, fiat terrinu demaniale intro a Su PIANU DE MURTAS.

Sos territorios accurtzu de su Monte Rughe fiant in s’edade media, de pertinentzia de antigas biddas chi sunt istadas abbandonadas in sos seculos XIV E XV.

Pro ammentare custa bella die, ponimus carchi foto, in d’una collida (album), sa cale permittat a chi no est potidu benner de abbaidare cale ispettaculu de natura si che podet bider dae sa punta de su Monte Rughe.

 


UNA DIE E UNA MISSA IN SU MONTE RUGHEultima modifica: 2009-05-11T17:04:00+00:00da
Reposta per primo quest’articolo