POLÌTICAS DE SA LIMBA SARDA E SERVÌTZIU LINGUÌSTICU LOCALE

Sa die chenabura 19 de su mese de lampadadas 2009, una delegatzione de sos Operadores de sos Isportellos e Ufitzios de sa Limba Sarda, ant atoppadu in Casteddu s’Assessore Regionale a sa Cultura, Ing. M.Lucia Baire.

 

Ponimus oe un’arrejonu subra sa questione de Antoni Maria Pala, istimadu collega de isportellu e istimadu iscrittore e poeta “limbudu” baroniesu.

 

 

POLÌTICAS DE SA LIMBA SARDA E SERVÌTZIU LINGUÌSTICU LOCALE

de Antonimaria Pala (Resp. ULS de su Comune de Torpé)

Non b’at duda chi sos sardos tenzant in contu mannu sa chistione de sa limba sarda. Chi su sardu piaghet a sos sardos est cosa chi si potet bìdere finas sena ricùrrere a indàgines e istùdios cumplicados.

Ma in custos annos bi sunt istados finas cussos e ant postu in craru in manera iscientìfica sa cumpetèntzia de sos faeddantes e su sentidu generale chi disizat ufitzialidade e, foras de su cuzone folclorìsticu, impreu normale de sa limba.

Si est beru chi in campu literàriu e artìsticu s’atividade in limba sarda si mantenet e tocat finas puntas de etzellèntzia finas cun sos primos traballos tènnicos e sagìsticos, in s’iscola, in s’economia e in s’amministratzione b’at de fàghere, si non totu, galu meda.

A interventos brivos de cuntinuidade foras de una polìtica linguìstica orgànica, si afianzat chie òperat in àmbitu de limba, movènde si belle e che sèmpere cun sa precariedade chi brivat s’istratificatzione de sos risultados.

Su movimentu linguìsticu in custos ùrtimos tempos, posca de un’agabu de legisladura chi at dadu sinnos importantes de interessu pro sa tzentralidade de sa limba e su guvernu suo in onni àmbitu, cun rapresentàntzias setoriales, si est movende, pro abèrrere un’arrèsonu de fainas, cun su guvernu regionale nou.

Gasi, sighende cust’àndala, una rapresentàntzia de operadores de su servìtziu linguìsticu in àmbitu amministrativu (sportellos linguìsticos definidos dae su D.P.R. 345 de su 2.05.2001 e dae sa L. 482/99,) at arresonadu cun s’assessore a sa cultura Baire evidentziende chi sos finantziamentos istatales de sa lege numenanda, sunt minimende finas a dèpere, serrare a sa sigura, sos ufìtzios comunales.

 

Copia di 4881_1116338361836_1628301300_277082_2308233_n.jpg

 

POLÌTICAS DE SA LIMBA SARDA E SERVÌTZIU LINGUÌSTICU LOCALEultima modifica: 2009-06-30T09:49:00+00:00da limbasardsindia
Reposta per primo quest’articolo
Questa voce è stata pubblicata in POLITICA LINGUISTICA. Contrassegna il permalink.

Lascia un commento