FRANCO SCANU PRESENTAT SA GIUNTA NOA

36892_1409497729576_1596451020_963114_6778199_n.jpg

FRANCO SCANU PRESENTAT SA GIUNTA NOA

Intro a una Aula de su Cunsigiu Comunale prena de zente, giobia 17 de su mese de lampadas 2010, a pustis de sa binchida de sas eletziones, su Sindigu Franco Scanu at presentadu a sa popolatzione de Sindia, sa ghedda noa de Amministradores, chi l’ant agiudare a gubernare sa bidda in sos chimbe annos chi ant a bennere.

 

FRANCO SCANU PRESENTAT SA GIUNTA NOA

Intro a una Aula de su Cunsigiu Comunale prena de zente, giobia 17 de su mese de lampadas 2010, a pustis de sa binchida de sas eletziones, su Sindigu Franco Scanu at presentadu a sa popolatzione de Sindia, sa ghedda noa de Amministradores, chi l’ant agiudare a gubernare sa bidda in sos chimbe annos chi ant a bennere.

Franco Scanu, chi est unu geometra at 47 annos, est cojadu e tenet duas figias; Presidente de s’Unione de sos Comunes de su Marghine, est a su segundu mandadu comente Sindigu.

36892_1409495969532_1596451020_963111_5105387_n.jpg

Sa lista sua, denominada “SINDIA INSIEME”, at binchidu sas eletziones pro su rennovu de su Cunsigiu Comunale, leande 826 votos cun una pertzentuale accurtzu de su 60%.

Cun issu, sunt istrados elettos otto Cunsigeris: Ernesto Pittalis (129 votos), Demetria Sardu (89), Nicola Secchi (67), Antonino Oggianu (64), M. Laura Fais (62), Nicholas Mannu (61), Ivana Delrio (54), Salvatore Lecis (51). Sos ateros candidados chi no sunt istados elettos ant leadu custas preferentzias: Mauro Pisanu (51 votos), Marco Mugoni (51,) Pietro Cossu (49) e Luciano Puliga (25).

Posca de aere torradu gratzias a sa zente, a sa mugiere, a sas fizas a sos cumpanzos de sa lista, Franco Scanu at presentadu sa Giunta noa, cun sa novidade de aer dadu ateras delegas a tottu sos ateros Cunsigeris.

Sos Assessores seberados da Franco Scanu, sunt istados Ernesto Pittalis, chi est puru su Vice Sindigu a sos Traballos Pubblicos; Nicola Secchi a sas Politicas de sos Tzovanos: cunfirma de sos incarrigos pro sas ateros duos assessorados : Demetria Sardu s’Ambiente e a s’Agricultura e M. Laura Fais a sos Servitzios Sotziales.

Sos ateros Cunsegeris, ant tentu custas delegas: Antonino Oggianu sa Cultura e su Turismu; Salvatore Lecis su Bilantzu; Ivana Delrio chi at a essere puru su cabugruppu at tentu sa delega pro sas Politicas de s’Iscola e Nicholas Mannu da delega pro s’Isport.

36892_1409504249739_1596451020_963129_4992209_n.jpg


Sa minoria de su Cunsigiu Comunale, cumposta dae sos membros de sa lista “PROGETTO SINDIA”, chi in sas eletziones aiat leadu 582 votos, cun una pertzentuale de su 40%, at bidu elettos battor Cunsigeris, chi no si sunt presentados in sa Setzida de Insediamentu, ma no solu: sos battor cunsigeris ant presentadu puru sas dimisiones.

Pro sa lista “PROGETTO SINDIA”, fiant istados elettos paris a su candidadu e ex Sindigu Cornelio (connottu comente Elio) Nuvoli, Claudio Pisanu (84 votos), Raffaele Cossu (64), Salvatore Cambula (57).

Sas preferentzias pro sos ateros candidados fiant istadas sas sighentes: Francesca Delrio (50 votos), Pietro Ledda (41), Daniela Pintore (39), Bastiano Curreli (37), Valentina Pisanu (32), Gianfranco Cuccuru (27), Elena Campora (24), Angelo Delrio (22).

A pustis de aere presentadu sa Giunta e su Cunsigiu e aere giuradu, su Sindigu at presentadu su programma pro sos chimbe annos chi ant a bennere. (amus a pubblicare su Programma, in sas chidas sighentes).

Su Dut. MARIO A. SANNA- RESP. ULS –COMUNE DE SINDIA

 

FRANCO SCANU PRESENTAT SA GIUNTA NOAultima modifica: 2010-06-21T18:58:00+00:00da limbasardsindia
Reposta per primo quest’articolo
Questa voce è stata pubblicata in COMUNICATZIONES DE SU SINDIGU- COMUNICAZIONI DEL S, ELETZIONES COMUNALES 2010, MANIFESTAZIONI ED EVENTI- EVENTOS, SOCIETA'- SOTZIEDADE. Contrassegna il permalink.

Lascia un commento