ULS SINDIA - Ufìtziu Limba Sarda de su Comune de Sindìa (NU)

GIOVIA IN CASTEDDU PROTESTA DE SOS OPERADORES DE SA LIMBA SARDA

Salude a totus,
*
cust’annu puru s’istiu nos at batidu una noa de cabbale: su Guvernu Regionale, custrintu a mutzare sos istantziamentos in bilàntziu, at pensadu bene de che leare su dinare dae ue già bi nd’aiat pagu.
Sa limba sarda, chi “godiat” de s’1 pro chentu de s’istantziamentu de s’Assessoradu a sa cultura e istrutzione, commo nd’at a disponimentu su 0,5 pro chentu.
Est a nàrrere chi finas su pagu chi si podiat fàghere commo no at a èssere prus possibile.
A dolu mannu de chie trabballat in sos laboratòrios iscolàsticos, in sa ràdio, in sa televisione, de sas domos editoras e gai sighende…
Amus detzisu de nos fàghere intèndere, ca paret chi in cale si siat setore b’apat gente chi protestat pro su trabballu suo, petzi nois, chi trabballamus pro su sardu chin su sardu, no aberimus sa buca pro nos fàghere intèndere.
Giòvia, a sas 10 de mangianu, in Casteddu, in dae in antis de su Cussìgiu regionale, in carrera Roma, amus a protestare pro custas mutzaduras chentza cabu.
Bos cumbido a bènnere ca est una cosa de importu mannu a beru. Semus in medas e lu depimus dare a bìdere.
Pro cale si siat informatzione mutide.
Chie at sas màchinas la as a pònnere a disponimentu de totus.
In craru si podent bìdere sos indirìtzos mail de sas persones chi ant a ritzìvere custa mail gai podides cuntatare sos prus acurtzu.
Bos ammento sa data: giòvia, in Casteddu, a sas 10 in dae in antis de su Cussìgiu Regionale.
Cumbidade gente!
Gratzias pro como.
*
Mariantonietta Piga
portavoce de su comitadu de sos operadores, interpretes-tradutores

GIOVIA IN CASTEDDU PROTESTA DE SOS OPERADORES DE SA LIMBA SARDAultima modifica: 2010-07-19T16:31:00+00:00da
Reposta per primo quest’articolo