NASCHIT SU PREMIU DE POESIA “SU CASU”-

Su Premiu de Poesia “SU CASU”, naschit in Sindia, cun s’intentu de istituire in bidda, un’importante ricurrentzia culturale e daer valore mannu a sas raighinas de una cultura sotziu-economica galu sa nostra ligada a s’allevamentu de su bestiamine e de su triballu de trasformatzione de su latte.                                                                                                                 SU BANDU PODET A ESSERE DIMANDADU IN SU PALATTU DE SU COMUNE ‘ETZU  IN SA BIBLIOTECA COMUNALE.

iscarriga su bandu in su formadu pdf

BANDU DE CUNCURSU 1 PREMIU DE POESIA SU CASU.pdf

 

Immag002.jpg

 

logo comune sindia.jpg

Comune de Sindìa

Provìntzia de Nùgoro

 

BANDU DE CUNCURSU

DE SU 1° PREMIU DE POESIA “SU CASU”, ANNU 2010.

 

Su Premiu de Poesia “SU CASU”, naschit in Sindia, cun s’intentu de istituire in bidda, un’importante ricurrentzia culturale e daer valore mannu a sas raighinas de una cultura sotziu-economica galu sa nostra ligada a s’allevamentu de su bestiamine e de su triballu de trasformatzione de su latte.

Dae semper sa poesia at tentu unu rapportu mannu cun sos pastores e massajos: oe custu cuncursu de poesia permittit de faghere iscoberrere sas paraulas e sas emotziones de sa limba de sos mannos nostros, chi pro adurare bia, depet a essere faeddada e iscritta in cada momentu, in cada die, in cada ocasione.

 

SETZIONES

Su Premiu previdit duas setziones:

A- POETAS DE FORA e B- POETAS LOCALES.

Su tema de sas poesias est liberu;

Sas rimas depent a essere cun sa metrica libera (es. sonettos, terzinas, ottavas….)

Sas poesias no depent a essere prus longas de sos baranta (40) versos;

Si podet partetzipare solu cun d’una poesia inedita, in d’una sola setzione;

Sa partetzipazione a su cuncursu, no costat nudda.

PRESENTADA DE SAS POESIAS

Sos triballios, iscrittos a macchina o cun sos programmas de iscritura de su computadore, cun sa dimensione carattere de sa dimensione de 12 e cun sos tipos de caratteres giamados “ARIAL” o “TIME NEW ROMAN”, in ses (6) copias.

Sos triballios depent arribare pro posta o cunsignados a manu, a s’UFITZIU DE SOS SERVITZIOS SOTZIALES de su Comune de Sindia, intro sas oras 13.00 de sa die de lunis 8 de su mese de santandria; no at a faghere fide su timbru postale.

Sos triballios depent a essere frimmados cun d’unu numene inventadu o paralumene e serrados a intro de una busta manna chi a fora depet tennere sa dicitura chi sighit: COMUNE DE SINDIA- UFITZIU DE SOS SERVITZIOS SOTZIALES- 1° PREMIU DE POESIA “SU CASU”- SETZIONE A-“POETAS DE FORA” o B-“POETAS LOCALES”- CORSO UMBERTO I°, 08018- SINDIA (NU).

A intro de sa busta manna depet a essere posta una busta minoredda, serrada, cun a intro unu billeteddu cun sas generalidades de su poeta, s’indiritziu de domo, su numeru de telefono e s’eventuale indiritziu de posta elettronica.

Pro motivos ligados a sa pubblicatzione est agradessida sa tradutzione in italianu de sos triballios imbiados; est obbligatoria pro sos triballios iscrittos in gadduresu, in tattaresu, in catalanu de S’Alighera- L’Alguer e in tabarchinu. De sa tradutzione si che depet mandare una copia sola.

 

Ateras informatziones podent a essere dimandadas a su numeru de telefono 0785- 41570 su lunis dae sas oras 9.30 a sas 12.30 e da sas oras 15.30 a sas oras 17.30 o iscriende a s’indiritziu de posta elettronica limbasardasindia@yahoo.it

 

AVVERTÈNTZIAS

Sos triballios imbiados, no depent a essere bistadas premiadas in ateros cuncursos o mustraduras e nemmancu pubblicados.

Sos triballios no benint torrados e su Comune de Sindia si che riservat cada deretu de los pubblicare finas in sa radio, in sa televisione, in internet, sena pagamentu perunu de sos deretos.

S’autore abbarat mere de su triballiu chi at iscrittu.

Sos cuncurrentes, atzetant sas cunditziones de su bandu de cuncursu.

Sos triballios podent a essere iscritos in cali se siat variedade de sa Limba Sarda , in Limba Sarda Comuna (LSC) e in sas ateras limbas faeddadas in Sardigna (su Catalanu de S’Alighera-L’Alguer, su Gadduresu, su Tattaresu e su Tabarchinu).

Pro custas variedades est obbligatoria sa tradutzione.

 

SA GIURIA

Sa Giuria est cumposta dae pessonas cumpetentes e istimadas, seberadas dae s’Amministratzione Comunale de Sindia,

Su Dr. Mario Antiogu Sanna, in cualidade de Responsabile de s’Ufitziu Limba Sarda de su Comune de Sindia, at a faghere sas funziones de Segretariu. Sa Giuria at a detzidere, pro cada setzione, cales sunt sos triballios binchidores de su Primu, Secundu e Terzu premiu, sos Mentovados, e sos Sinnaliados. Sa detzisione de sa Giuria no podet a essere mudada.

PREMIOS

Su primu, segundu e terzu de sa setzione A e B, ant a essere premiados cun dinari, sos ateros premiados ant a retzire unu Atestadu dae s’Amministratzione.

Unu Atestatu de Partetzipatzione aer a essere dadu a tottus sos cuncurrentes chi ant a presentziare a sa Premiatzione.

Sa Premiatzione at a tennere logu, sa die de sapadu 18 de su mese de Nadale, a sas oras 16.00, in s’Aula Manna de sa sas Iscolas Medias in Sindia.

Sos binchidores, sos mentovados e sos sinnaliados, ant a essere avisados cun tempus, pro telefono.

Est agradessida sa presentzia de tottus sos partetzipantes a su cuncursu.

 

Sindia sa die 15 de su mese de santuaine 2010.

 

 

Immag000.jpg

SAS FOTOS SUNT ISTADAS LEADAS DAE SOS MURALES FATTOS DAE S’ARTISTA PINA MONNE IN SINDIA IN S’ANNU 2009.

Immag001.jpg

NASCHIT SU PREMIU DE POESIA “SU CASU”-ultima modifica: 2010-10-18T11:52:00+00:00da limbasardsindia
Reposta per primo quest’articolo
Questa voce è stata pubblicata in 1 Prèmiu de Poesia "SU CASU"- SINDIA 2010. Contrassegna il permalink.

Lascia un commento