Pro sa bidda de Sindìa unu fine mese de Nadale 2010 a s’insinna de sa limba sarda.

Pro sa bidda de Sindìa unu fine mese de Nadale 2010 a s’insinna de sa limba sarda.

At a essere unu fine mese a s’insinna de sa limba sarda, pro sa bidda de Sindìa; su programma ammanitzadu dae s’Amministratzione Comunale ghìada dae su sìndigu Franco Scanu, prevedit manifestatziones de importu mannu, intro a sas cales b’at a tènnere unu cunsideru mannu sa limba sarda.

Pro faghere su programma, ant colaboradu cun impignu mannu, su Comune de Sindia, s’Unione de sos Comunes de su Marghine, sa Regione Autonoma de sa Sardigna, sa Pro Loco de Sindia, s’Ufitziu de sa Limba Sarda de su Comune de Sindia, sa Sociedade  Biblos de Macùmere.

 

ROSARIO.JPG

Pro abbèrrere sas manifestatziones, b’at a essere sa die de sàpadu 18 de nadale dae sas oras 16.00, sa cerimonia pro sas Premiatziones de su 1° Cuncursu de Poesia Sarda “Su Casu”, chi at a tènnere logu in s’Aula Manna de sas Iscolas Medias in sa carrela A. Pirastu.

A sighire, sa die de martis 21 dae sas oras 20.30, b’at a essere su Cuntzertu de Nadale cun sos “Halleluiah Gospel Singer” chie benint dae sos Istados Unidos de America, in sa cregia parrocchiale de su Rosariu.

Sa die de mercuris 22 de nadale a sas oras 16.30 in sa Biblioteca Comunale, in su Comune ‘Etzu, b’at a essere sa manifestatzione “Natale con gli Elfi”, cun animatzione pro sos piseddos.

Sa limba sarda torrat a pitzu sa die de martis 27 de su mese de nadale, dae sas oras 18:30, cun sa cummedia in limba sarda “Cussu chi si creiat corrudu”, de sa Cumpànnia teatrale “Elighelande Teatru”, in s’Aula Manna de sas Iscolas Medias in sa carrela A. Pirastu.

Sa die de gioja 30 de su mese de nadale, dae sas oras 16.30 in sa Biblioteca Comunale, in su Comune ‘Etzu, b’at a essere “Noelfo” cun sas letturas de nadale pro sos piseddos.

A tancare sas 15 dies de manifestatziones, at a essere sa die de sapadu 8 de bennalzu dae sas oras 18.30, sa cummedia in limba sarda “S’Ollaesu” de sa Cumpànnia teatrale “Le Sabine”.

Un’isprentu mannu de s’Amministratzione Comunale chi at detzisu de organizare unu bellu programma pro cunsentire a sa populatzione e a sos sindiesos e sos istranzos chi ant a bennere in Sindìa, pro sas festividades de àere carchi serada culturale dae colare in paris a sa zente de sa bidda.

Pro sa bidda de Sindìa unu fine mese de Nadale 2010 a s’insinna de sa limba sarda.ultima modifica: 2010-12-13T17:45:00+00:00da limbasardsindia
Reposta per primo quest’articolo
Questa voce è stata pubblicata in MANIFESTAZIONI ED EVENTI- EVENTOS. Contrassegna il permalink.

Una risposta a Pro sa bidda de Sindìa unu fine mese de Nadale 2010 a s’insinna de sa limba sarda.

Lascia un commento