PRESENTADU A S’ISTAMPA E A SOS AMMINISTRADORES SU PROGETU DE SA PROVÌNTZIA DE NÙGORO “GUVERNARE CUN SA LIMBA”

 

PRESENTADU A S’ISTAMPA E A SOS AMMINISTRADORES SU PROGETU DE SA PROVÌNTZIA DE NÙGORO “GUVERNARE CUN SA LIMBA”

 

A pustis de unu mese de traballu, lunis 29 de martzu, sa Provìntzia de Nùgoro at presentadu in -d’ una cunferentzia pro s’Istampa e pro sos Amministradores, su Progetu “Guvernare cun sa Limba”.

Sunt 46 sos Comunes chi ant aderidu a su progetu finantziadu dae sa Lege 482/99 pro s’annualidade 2007; cada comune de sos chi ant aderidu a su Progetu, at a tenner unu Servìtziu Linguìsticu Territoriale, cun -d’unu operadore.

Sos 13 operadores, coordinados dae sa Mariantonietta Piga, ant a garantire su servitziu de bortadura de sos documentos e de sas comunicatziones de sos comunes e s’ant ativare pro chircare de fàghere una politica lingùistica chi pirmìtat sa trasmititura de su sardu dae sos mannos a sos pitzinnos. Istudios meda, ant oramai atestadu chi sos pitzinnos chi creschent bilingues sunt prus lestros de cherveddu, contra a chie dae pitzinnu at imparadu una limba sola.

Pro bidere sa chirca, fata dae Antonella Sorace (una dotzente universitaria de linguìstica, chi bivet in Iscòtzia e at sa mama de Putumajore), si podet abbaidare su situ http://www.bilingualism-matters.org.uk/home-sc-IT/.

Su situ de s’Ufìtziu Limba Sarda de sa Provìntzia de Nùgoro est http://www.limbasarda.nuoro.it/.

Pro letzere sos artìculos de sos giornales de martis 29 martzu 2011, si podent abbaidare custos ligonzos: http://lanuovasardegna.gelocal.it/cronaca/2011/03/29/news/via-al-progetto-guvernare-cun-sa-limba-3810625; http://www.luigiladu.it/limba%20sarda/nuoro_46comuni.htm; http://edicola.unionesarda.it/Corrente/Articolo.aspx?Data=20110329&Categ=23&Voce=1&IdArticolo=2565771.

MARIO A. SANNA

 

 

jpg_3810626.jpg

Sa foto est istada leada dae “LA NUOVA SARDEGNA” de sa die 29 de martzu 2011.

 

 

PRESENTADU A S’ISTAMPA E A SOS AMMINISTRADORES SU PROGETU DE SA PROVÌNTZIA DE NÙGORO “GUVERNARE CUN SA LIMBA”ultima modifica: 2011-03-30T22:40:00+00:00da limbasardsindia
Reposta per primo quest’articolo
Questa voce è stata pubblicata in Senza categoria. Contrassegna il permalink.

Lascia un commento