ULS SINDIA - Ufìtziu Limba Sarda de su Comune de Sindìa (NU)

PUBBLICADU DAE SA REGIONE SARDA, SU BANDU PRO SAS INDENNIDADES CUMPENSATIVAS DE SOS ISVANTÀGIOS NATURALES.

PUBBLICADU DAE SA REGIONE SARDA, SU BANDU PRO SAS INDENNIDADES CUMPENSATIVAS DE SOS ISVANTÀGIOS NATURALES.

 

S’Assessora a s’ Ambiente e s’Agricoltura de su Comune de Sindia, Demetria Sardu, comunicat a sos interessados chi in su situ de sa Regione Autonoma de sa Sardigna

(http://www.regione.sardegna.it/j/v/34?s=163432&v=2&c=338&t=1),

b’at in disponimentu su Bandu pro sas indennidades cumpensativas de sos isvantàgios naturales.

S’Assessoradu a s’Agricoltura de sa Regione Sardigna, comunicat chi sas dimandas, pro sas misuras 211 E 212 de su PSR, cherent presentadas intro de sa die 16 de su mese de maju.

Pro su “relàsciu” de sas rechestas, in su situ de su SIAN (www.sian.it), b’at sa netzessidade de andare in d’unu tzentru autorizadu de assistentzia agricola (CAA), autorizadu dae s’AGEA.

 

 

Sas dimandas de agìudu e de pagamentu, sunt relativas a sas misuras de su programma de su Programma de Isviluppu Rurale (PSR): sa misura 211, pertocat “sos massajos de sas zonas montanas”; sa misura 212, pertocat “sos massajos de sas zona chi non sunt montanas”.

 

Sas dimandas cherent fattas intre a sa die 16 maju, “on line” a su situ www.sian.it.

 

S’Indennidade cumpensativa est unu prèmiu annuale, chi benit cuntzessu pro ettaru de superfìtzie agricola coltivada (SAU) ammissìbile, finalitzadu a cumpensare pro cantu si podet, sos redditors minores chi benint fattos in sas zona isvantagìadas.

S’Indennidade tenet puru s’obietivu de sa promotzione de sas praticas e de sos sistemas produtivos sostenibiles.

 

Podent dimandare su premiu sos imprenditores agricolos a sa sola o a manera assotzìada un’azienda zootecnica, chi no siat zootecnica o apistica.

 

Pro ateras dimandas si podet telefonare a su nùmeru 070 60262411, (Ufìtziu de sas Relatas cun su Pùblicu de s’Agea- Sardigna.

PUBBLICADU DAE SA REGIONE SARDA, SU BANDU PRO SAS INDENNIDADES CUMPENSATIVAS DE SOS ISVANTÀGIOS NATURALES.ultima modifica: 2011-04-05T15:20:00+00:00da
Reposta per primo quest’articolo