BANDU PRO SU CUNTRASTU A SA POBERTADE- LINEA UNU

COMUNE DE SINDIA

Provìntzia de Nùgoro

AVISU

LINEA DE INTERVENTU 1

CUNTZESSIONE DE SUSSÌDIOS A FAVORE DE SAS PESSONAS E NUCLEOS FAMILÌARES IN CUNDITZIONES DE POBERTADE ATZERTADA

SU RESPONSÀBILE DE SU SERVÌTZIU DE SOS AFARES GENERALES-

SERVÌTZIOS SOTZIALES

Comunicat a manera pùblica chi in atuatzione de sa delibera de sa Giunta Regionale num. 14/21 de su 06/04/2010 e de sa deliberatzione num. 06 de su Consìgiu Comunale est istadu publicadu in s’albu pretòriu su bandu pro sa cuntzessione de sos sussìdios in favore de sas pessonas e de sos nucleos familìares chi s’agatant in un’istadu de pobertade atzertada LINEA 1- programma de cuntrastu a sa pobertade- 2010.

OGETU

Sa linea d’interventu at a essere fatta cun unu contributu econòmicu in sa misura massima de 350,00 euros a su mese (chi podent a èssere definidos a nou, in base a sa disponimentu finantziàriu e su nùmeru de sas dimandas), pro unu perìodu continuadu de tempus chi at andare dae sos 3 meses a unu perìodu màssimu de 12 meses, cun s’ativatzione de percursos fatos su misura pro cada pessona, d’agiudu a favore de sas famìlias e de sas pessonas chi bìvent in unu istadu de pobertade econòmica, siat issa de durada manna o chi siat temporànea.

Su Comune at erogare sos sussìdios in relata a sa gravidade de sa situatzione, intregande sa prioridade a sos casos de problemas varios e mannos, subra de totu in presentzia de cunditziones de inabilitade a su fàghere atividades de servìtziu cìvicu o chi no potzant assùmere un impignu de traballu.

Ant a èssere cunsideradas in cunditzione de pobertade sas pessonas e sas famìlias chi declarant unu Indicatore de sa Situatzione Economica Equivalente (ISEE- D.Lgs. 31 de martzu 1998 num. 109), chi no siat superiore a 4.500,00 euros annui cumprensivu de sos rèditos esentes IRPEF. (Sunt inclùidas in sos rèditos esentes dae s’IRPES, totu sas risorsas familìares a cale che siat tìtulu pertzepidas, inclùidas sas indennidades de accumpagnamentu- indennidade de frecuèntzia).

Est cunsentida pro situatziones particulares o cumplessas de bisongiu e de su nùmeru de sos cumponentes de su nucleu familìare una flessibilidade de su rèditu ISEE fintzas a 5.500,00 euros annui, cumprensivos de sos rèditos esentes dae s’ IRPEF.

 

 

PROTZEDURA PRO SA RECHESTA

Sos tzitadinos interessados podent presentare sa dimanda apposida a su Comune de Sindia, cumpilande su modulu approntadu dae s’Ufìtziu Servìtzios Sotziales a su protocollu generale intro de sa die de su 25/05/2011 (iscadentzia perentoria), allegande a sa dimanda sos documentos sighentes:

-copia de su documentu d’identidade de su richiedente;

– tzertificadu ISEE in cursu de balididade, de su cale a su decretu legislativu num. 109/98 chi cheret dimandadu in sos CAF;

– cada documentu chi potzat servire pro atestare s’istadu de netzessidade, sa presentzia de cunditziones de inabilidade pro fàghere atividades de servìtziu cìvicu o chi no potzant leare impignos de traballu.

Custa linea de interventu no podet fàghere cùmulu cun sas lineas de interventu 3.

ÀTEROS ELEMENTOS E/O RECHISIDOS PRO PODER CUNCÙRRERE PRO S’ASSIGNADURA SUNT INDICADOS IN SU BANDU POSTU IN S’ALBU PRETÒRIU DE CUSTU ENTE, A DISPONIMENTU DE SOS TZITADINOS, A TALES CHI SI POTZAS LEARE VISIONE A MANERA PÙBLICA.

Sindìa, sa die 18 de abrile 2011

 

Su Responsàbile de su Protzedimentu

Ass. Soc. Antonella Sanna

Su Responsàbile de su Servìtziu

Tonello Pinna

 

Podides iscarrigare su bandu in su situ de su Comune de Sindia, Albo Pretorio, Varie

BANDU PRO SU CUNTRASTU A SA POBERTADE- LINEA UNUultima modifica: 2011-05-02T18:06:00+00:00da limbasardsindia
Reposta per primo quest’articolo
Questa voce è stata pubblicata in Avisos- Noas. Contrassegna il permalink.

Lascia un commento