ULS SINDIA - Ufìtziu Limba Sarda de su Comune de Sindìa (NU)

SINDIA: SA BIDDA EST PRONTA PRO SA MANIFESTATZIONE “ZIMINEAS CUN CANNITAS” 2011.

SINDIA: SA BIDDA EST PRONTA PRO SA MANIFESTATZIONE “ZIMINEAS CUN CANNITAS” 2011.

 

Pro su de chimbe annos consecutivu,  s’Amministratzione Comunale de Sindia organizat sa manifestatzione “ZIMINEAS CUN CANNITAS” posta a intro de sa rassigna de sa PRIMAVERA NEL MARGHINE- CORTES APERTAS,

Sa manifestatzione benit organizada in paris a sa PRO LOCO de Sindia e a s’ASPEN chi est s’Agentzia Ispetzializada de sa Camera de su Cummèrtziu de Nùgoro.

Sa manifestatzione at a tucare chenàbura 27 maju a sas oras 18.00 cun s’inauguratzione in sa Piatzedda de sa carrela de Eleonora (in antichidade numenada sa carrela de Santu Pedru e/o Coa Pira); a pustis s’at a pòdere incomintzare a bisitare sas cortes.

Sa die de sapadu 28 su programma de sas atividades at a incomintzare a sas oras 09.00 cun sa de duos editzione de su cuncursu de Pittura “Estemporanea” e cun unu laboratòriu de ceramica tentu dae Pina Monne in su Pratza de Santu Zorzi (Su Campu de Santu Giorzi); dae sas oras 10.00 ant a èssere abertas sas cortes.

A sas oras 18.00, in sa Piatzedda de sa carrela de Eleonora, presentada de su liberu “LA VITAALTROVE”, dedicadu a Sindia dae s’iscritore sindiesu NINO NONNIS.

A sas oras 21.00 su SERVÌTZIU TZIVILE NATZIONALE at a presentare su cunvegnu “L’ARDIA TRA PASSATO E PRESENTE”.

Sa die de dominiga 29 de maju su programma de sas atividades at a incomintzare a sas oras 09.00 cun sa de duos editzione de su cuncursu de Pittura “Estemporanea” e cun unu laboratòriu de ceramica tentu dae Pina Monne in su Pratza de Santu Zorzi (Su Campu de Santu Giorzi); dae sas oras 10.00 ant a èssere abertas sas cortes; a sas oras 11.00 b’at a essere in sa corte nùmeru 19 (ISIDE FAIS) b’at a èssere sa mustra de comente fàghere e traballare su casu e sa ricotta.

Su sero a sas oras 16.00 isfilada de sa maschera de su TRAIGOLZU a su Mulinu ‘Etzu; a sas oras 19.00 b’at a èssere sa mustra de sas operas fattas dae su laboratòriu de Pina Monne, in su Campu de Santu Giorzi; a sas oras 20.00 premiatzione de sos binchidores de sa de duaos editziones de su cuncursu de pittura estemporanea, in su Campu de Santu Giorzi.

Sas Cortes ant a èssere 26 e sos esponidores 50: sos bisitadores ant a agatare una sebera manna de prodotto tipicos locales: dae su casu a sos druches, passande puru pro sos cioccolates e a s’artigianadu.

Puru occannu su regista de sa manifestatzione delegadu dae s’Amministratzione Comunale de Sindia est istadu Antoninu Oggianu Consìgeri Comunale Delegatu a sa Cultura e su Turismu.

 

Iscarriga inoghe sa BROCHURE BROCHURE ZIMINEAS CUN CANNITAS 2011.pdf

 

SINDIA: SA BIDDA EST PRONTA PRO SA MANIFESTATZIONE “ZIMINEAS CUN CANNITAS” 2011.ultima modifica: 2011-05-23T18:20:00+00:00da
Reposta per primo quest’articolo