SU SERVÌTZIU TZIVILE NATZIONALE DE SINDIA, ORGANIZAT UNA MUSTRA ETNOGRAFICA E FOTOGRAFICA E UNU CUNVEGNU SUBRA DE S’ARDIA DE SINDIA.

SU SERVÌTZIU TZIVILE NATZIONALE DE SINDIA, ORGANIZAT UNA MUSTRA ETNOGRAFICA E FOTOGRAFICA E UNU CUNVEGNU SUBRA DE S’ARDIA DE SINDIA.

 

images.jpg

 

Sas giòvanas volontàrias impinniadas in su Servìtziu Tzivile Natzionale in sa biblioteca de Sindia, ant organizare pro sa manifestatzione ZIMINEAS CUN CANNITAS, una mustra fotografica e etnografica de importu mannu e unu cunvegnu numenadu “S’Ardia intre su passadu e su presente”.

Sas giòvanas Elisabetta, Maria e Maddalena ant fattu unu traballu mannu chi at permissu de collire 6000 fotos e de ne seberare 700; sa chirca e sa collida sunt istadas fattas cun sa collaboratzione de 40 famìlias de Sindia. 

Sa mustra at a tènnere logu accurtzu a sa Biblioteca Comunale, in sos aposentos de sa ex Caserma de sos Carabineris de Sindia in sa Carrela ‘e Caserma (a die de oe via Roma).

Unu traballu de chirca de mannu importu e chi est istadu agredesidu meda dae sos Amministradores e dae sos tzitadinos chi ant collaboradu cun una disponibilidade manna.

S’ispera como est chi unu cras, bi potzat puru a èssere in bidda una “Mustra Permanente” in subra de s’Ardia pro sos santos Giorzi, Raffaele e Sidoru.

Sa die de sàpadu 28 de maju a sas oras 21.00, sas tres volontàrias de su Servìtziu Tzivile Natzionale,  in paris a àteros istudìosos,  ant a presentare su frutu de unu traballu de chirca, fattu cun passione e impignu mannu. 

SU SERVÌTZIU TZIVILE NATZIONALE DE SINDIA, ORGANIZAT UNA MUSTRA ETNOGRAFICA E FOTOGRAFICA E UNU CUNVEGNU SUBRA DE S’ARDIA DE SINDIA.ultima modifica: 2011-05-23T19:03:00+00:00da limbasardsindia
Reposta per primo quest’articolo
Questa voce è stata pubblicata in Senza categoria e contrassegnata con . Contrassegna il permalink.

Lascia un commento