ULS SINDIA - Ufìtziu Limba Sarda de su Comune de Sindìa (NU)

POESIA: SA PRESENTADA DE SU LIBERU “CAMENE” DE TZIU ANTONIGHEDDU FAIS, CREGIA DE SANTU PEDRU, CHENÀBURA 24 DE LÀMPADAS 2011.

POESIA: SA PRESENTADA DE SU LIBERU “CAMENE” DE TZIU ANTONIGHEDDU FAIS, CREGIA DE SANTU PEDRU, CHENÀBURA 24 DE LÀMPADAS 2011.

S’at a tènnere sa die de chenàbura 24 de su mese de làmpadas a sas oras 18.00 in sa cregia de Santu Pedru (a intro de su Cortile de s’Asilu Parrocchiale), sa presentada de su liberu de poesias “CAMENE” iscrittu dae tziu Antonigheddu Fais.

Sa recorta de sonettos, ottadas e modas de Antonigheddu Fais, at a bènnere presentada pro voluntade de su Tzirculu Culturale “Cabuabbas”.

Su liberu tenet sa presentada de sa fiza Margaretha e de s’istudiosu Vittòriu Pinna e sighit unu tretu de importu mannu de sa vida de s’autore, chi est nàschidu in Sindia pròpriu sa die de su 24 de làmpadas de s’annu 1935, in d’una familia de massaios.

A pustis de àere fattu traballos divresscios e àere imparadu su traballu de cattulaju, Antonigheddu Fais est emigradu in su Belgiu, uve at traballadu pro 17 annos, innantis in sa miniera e a pustis de àere leadu sa cualifica de tubista e saldadore in d’una impresa minore de impiantos de riscaldamentu. A pustis de sa nàschida de sa segunda fiza, est torradu a istare in Sindia, uve at traballadu comente funtaneri fintzas a aère maturadu sa pensione.

Tziu Antonigheddu Fais, est unu bravu poeta chi at una istima manna dae sa zente de Sindia; ma puru dae sos ispetzialistas chi l’ant premiadu bortas meda, s’urtima pròpriu in su mese de nadale de su 2010 in su cuncursu de Sindia, uve est arrivadu su de duos.


POESIA: SA PRESENTADA DE SU LIBERU “CAMENE” DE TZIU ANTONIGHEDDU FAIS, CREGIA DE SANTU PEDRU, CHENÀBURA 24 DE LÀMPADAS 2011.ultima modifica: 2011-06-20T12:56:00+00:00da
Reposta per primo quest’articolo