ULS SINDIA - Ufìtziu Limba Sarda de su Comune de Sindìa (NU)

PROGETU C.A.S.: SA DIE 30 DE LÀMPADAS ABERIT SU TZENTRU DE AGGREGATZIONE SOTZIALE.

PROGETU C.A.S.: SA DIE  30 DE LÀMPADAS ABERIT SU TZENTRU DE AGGREGATZIONE SOTZIALE.

 

Cun sa Delibera de sa Giunta Comunale n. 49 de sa die 6 de làmpadas 2011, s’Amministratzione Comunale at detzisu de avviare a manera  isperimentale su CAS (Centro di Aggregazione Sociale- Tzentru de Aggregatzione Sotziale) pro 7 meses.

Sa die gioja 30 de làmpadas 2011 a sas oras 18.00 in sos locales de sa Caserma ‘Etza,  at a tènnere logu, s’inauguratzìone de su Tzentru de Aggregatzione Sotziale, cun  sa presèntzia de su Sìndigu Frantziscu Scanu, de sos Amministradores, de sa Coordinatora e de sos educatores responsàbiles de s’atuatzione de su progetu e de sas atividades de su C.A.S.

Sas atividades de su progetu CAS, ant a èssere gestidas dae sa SOC. COOP. SOC.  “SAN GIORGIO”, a intre de su progetu ammaniadu dae sos Servìtzios Sotziales de su Comune de Sindia, sunt istadas prevididas 4 àreas de interventu:

  1. SPAZIO LUDOTECA, pro sos piseddos minores dae sos 6 a sos 12 annos;
  2. PUNTO GIOVANI, pro sos tzovanos dae sos 13 a sos 21 annos;
  3. ANIMAZIONE ANZIANI, pro sas pessonas chi ant lòmpidu 60 annos;
  4. ANIMAZIONE SOCIALE, pro favorèssere momentos de aggregatzione intre sa comunidade de sa bidda.

Su CAS at adurare abertu cada die dae sas oras 16.00 a sas oras 19.00,  in sos aposentos ube fintzas a sa fine de sos annos ’80 b’aiat sa Caserma de sos Carabineris. S’intrada est sa gianna affacca a cussa de su Comune ‘Etzu (ube s’agatat sa Biblioteca Comunale),  in sa Carrela de sa Caserma (VIA ROMA).

S’Amministratzione Comunale de Sindia, si che aurat chi custu servìtziu nou siat agradessidu meda dae sa zente e at finantziadu custu progetu cun 20.000 euros (a sos cales podent a èssere assumados àteros  3.000 chi ant pòdere a èssere gastados pro comperare sos materiales e sas atretzaduras de sustennu a sas atividades).

S’Assessore a sas Politicas de sos Tzovanos Nigola Secche est cuntentu meda, in paris a sos àteros Amministradores de custu progetu, chi at a permìtere a sos tzovanos e sos antzianos de s’ispassiare e de àere momentos de atividades sotziales.

 

PROGETU C.A.S.: SA DIE 30 DE LÀMPADAS ABERIT SU TZENTRU DE AGGREGATZIONE SOTZIALE.ultima modifica: 2011-06-27T17:39:00+00:00da
Reposta per primo quest’articolo