ATIVIDADES DE SU CONSÌGIU COMUNALE DE SINDÌA IN SU MESE DE TRÌULAS 2013

Atividades de su Consìgiu Comunale de Sindìa in su mese de trìulas 2013

 

In sa setziada de su Consìgiu Comunale de Sindìa  ghiadu dae su Sìndigu Deormiti Luigi Daga, de sa die martis 23 de su mese de trìulas 2013, su Consìgiu Comunale at deliberadu in subra de battor chistiones de importu mannu pro sa vida amministrativa de sa bidda.

Cun sa delìbera n.4 est istada votada sa cunventzione intre de sos comunes de Sindìa e Cheremule pro cantu pertocat sa gestione a manera assotziada de su servìtziu de segretèria comunale: a pustis de custa cunventzione at a èssere sa dot. Nicolina Bonu a leare s’incàrrigu de su segretàriu comunale de custos ùrtimos annos in Sindìa, su dot. Gianfranco Falchi.

Cun sa delìbera n.5 su Consìgiu Comunale de Sindìa at deliberadu de votare a favore de sa gestione a manera assotziada de sos servìtzios pro sas pessones in su PLUS; duncas sa responsàbile de sos servìtzios sotziales de Sindìa at a sighire a traballare 30 oras a sa chida pro s’amministratzione comunale de Sindia e 6 oras a sa chida pro su Plus de s’Unione de sos Comunes de su Màrghine.

 

1843514446.JPG


Cun sa delìbera n.5 est istadu aprovadu e integradu s’elenco de sos barratzellos chi ant a tènnere 4 novos cumponentes passende gasi da 17 a 21 pessones.

Sa delìbera n.6 at bidu sa votatzione de su comandante nou de sa cumpangia de sos barratzellos: est istadu cunfirmadu su maresciallu giubiladu Giùliu Naìtana.

Sas delìberas podent a èssere iscarrigadas e leghidas dae su situ www.comune.sindia.nu.it/

ATIVIDADES DE SU CONSÌGIU COMUNALE DE SINDÌA IN SU MESE DE TRÌULAS 2013ultima modifica: 2013-07-30T10:03:00+00:00da limbasardsindia
Reposta per primo quest’articolo
Questa voce è stata pubblicata in Artìculos, ASSESSORADU SERVITZIOS SOTZIALES, Avisos- Noas, UNIONE DE SOS COMUNES DE SU MARGHINE. Contrassegna il permalink.

Lascia un commento