UFITZIU DE SA LIMBA SARDA DE SU COMUNE DE SINDIA(NU)-UFFICIO LINGUA SARDA DEL COMUNE DI SINDIA(NU)

SOS TRES SANTOS E SAS BANDELAS IN  SU MURALE DE PINA MONNE IN SA DOMO VIRDIS IN S’ISTRADONE

Dae pagu prus de unu mese in s’Istradone de Sindia, b’at una novidade chi est agradessida medaa a sa zente de Sindia e a sos turistas.

In su murale fattu dae s’artista PINA MONNE, pintadu in sa domo Virdis, sunt pintados sos Santos Zorzi, Raffaele e Isidoro e sas Bandelas pro sas battor dies de sa festa.

Su murales est istadu crefidu dae s’Amministratzione Comunale.

ARTICULU LEADU DAE SA "NUOVA SARDEGNA"

la Nuova Sardegna — 29 luglio 2009   pagina 06   sezione: ORISTANO

SINDIA. «Cavalli, che passione!». Il Comune ha incaricato un’artista di realizzare un grosso murale sul tema. Sta allestendo l’opera Pina Monne di Irgoli. In piazza Monumento prende corpo un murale con cavalli e fantini che simulano la parata di una delle più partecipate manifestazioni equestri del paese: le ardie della festa dei tre santi (Giorgio, Raffaele e Isidoro), che ogni anno coinvolgono oltre cento cavalieri.  Il murale, che copre un’area di oltre 40 metri quadrati, viene realizzato nella casa dei familiari di Pietro Paolo Virdis, il calciatore che ha indossato la maglia del Cagliari e della Juventus. L’opera, verrà inaugurata tra qualche settimana. (t.c.)

SA COLLIDA DE FOTOS PRO SOS 50 ANNOS DAE PREDI DE DON NIOLA.

Comente anticipadu sa chida passadu, pubblicamus oe, una Collida de fotos, subra de custa importante manifestatzione chi est istada fatta in sa de dominiga 26 de su mese de triulas de su 2009. Torramus Grazias pro carchi foto a s’amiga Annalisa Daga, chi nos at dadu unu contributu importante.

Custa Collida est dedicada a Don Niola e tottus sos sindiesos e amigos suos chi non ant potidu partetzipare a custu momentu “solenne”.

SU PROGRAMMA DE SA FESTA DE S’EMIGRADU SAPADU

SA DIE 18 DE SU MESE DE TRIULAS

Sapadu sa die 18 de su mese de triulas 2009,

in su cortile de sas Iscolas Elementares

SU COMUNE DE SINDIA          SA PRO LOCO DE SINDIA

BOS CUMBIDANT

A SA FESTA DE S’EMIGRADU

SAPADU SA DIE 18 DE SU MESE DE TRIULAS

PROGRAMMA:

A sas oras 18.00 Santa Missa in sa parrocchia abbadiale (cregia de su Rosariu)

A pustis

Cumbidu e Chena in su Cortile de sas Iscolas Elementares

Intrattenimentu de sa serada cun sa partetzipazione de

SU TENORE de ORUNE

TENORE de SINDIA

SU GRUPPU FOLK “S.Piras” de SINDIA

SU GRUPPU FOLK “Banzu” de SINDIA

GARA DE BALLU (LISCIO)

A SU SONETTO

Grazianu Caddeo

AT A PRESENTARE SA SERADA

Anghelu Pisanu

COMUNE DI SINDIA            PRO LOCO DI SINDIA

Vi invitano alla

FESTA DELL’EMIGRATO

SABATO 18 LUGLIO

S. Messa alle ore 18,00

nella Parrocchia Abbaziale

la serata prosegue

presso il Cortile delle Scuole Elementari

con rinfresco e cena tipica

CON LA PARTECIPAZIONE DI

TENORE di ORUNE

TENORE di SINDIA

GRUPPO FOLK “S.Piras” di SINDIA

GRUPPO FOLK “Banzu” di SINDIA

GARA DI BALLO LISCIO

ALL’ORGANETTO Graziano Caddeo

PRESENTA Angelo Pisanu

SIETE TUTTI INVITATI A PARTECIPARE

IL DIVERTIMENTO E’ ASSICURATO

Unu gruppu de amantes de sas bicicrettas cun sas “rodas rassas”, at fattu unu zassu internet cun percursos e ateras curiosidades pro chi amat bider e connoscher su territoriu de Sindia cun sa bici.

Aisettende carchi foto e carchi noa dae issos, pro como faghimus sos augurios e comente si che narat intro chie andat in bici…est a pedalare !!!!!!

UNA DIE E UNA MISSA IN SU MONTE RUGHE

Meda pessonas de sas biddas de Sindia, Putumaiore e Padria ant partetzipadu deris a sa Santa Missa, celebrada in su Monte Rughe, a 650 metros d’altaria, in sutta de sa Rughe Giubilare posta in s’annu 2000. Una die bona chi at inganidu meza zente a no mancare a custu attopu chi si faghet dae meda annos, a sa missa ant partetzipadu puru sas cuffrarias e sos giaganeddos de Sindia Putumaiore.

Su Monte Rughe chi istat in sa diretzione de tramuntana e levante de sa bidda de Sindia, in territoriu de Putumaiore, finas a su seculu XIX fiat lumenadu Monte Ruiu e in sos tempos innantis de sa leze  connnotta comente "Edittu subra sas chiudendas", fiat terrinu demaniale intro a Su PIANU DE MURTAS.

Sos territorios accurtzu de su Monte Rughe fiant in s'edade media, de pertinentzia de antigas biddas chi sunt istadas abbandonadas in sos seculos XIV E XV.

Pro ammentare custa bella die, ponimus carchi foto, in d'una collida (album), sa cale permittat a chi no est potidu benner de abbaidare cale ispettaculu de natura si che podet bider dae sa punta de su Monte Rughe.

UNU GRUPPU NOU SU FACEBOOK PRO S’ARDIA IN ONORE DE SOS SANTOS ZORZI, RAFFAELE E ISIDORO.

Salvatore Cambula est unu tzovanu dottore agronomo de Sindia, dae semper impignadu in attivitades culturales e sotziales.

Chimbe dies a como, at “criadu” unu gruppu pro fagher connoscher s’Ardia de Sindia in fora dae sa bidda. In custas paga dies at tentu 229 iscrittos!!

In su gruppu, Tore at postu meda informatziones de manna utilidade.

A Tore bisonzat a bi lu narrer: at tentu un’idea bona!!!

SA LEVA NOA DE SU 1991

AMMENTAT A TOTTUS

CHI CRAS SA DIE 7 DE SU  MESE DE FREARZU

AMMANIZAT SOS BALLOS

DAE SAS ORAS 23….

BOS AISETTAMOS!!!

Su Comune de Sindia, at ammaniadu una serie de atoppos subra sos TZOVANOS  E SU TRABALLU.

Su primu atoppu est pro cras, sapadu sa die 7 de su mese de freàrzu, dae sas oras 17.30 in su Salone Parrocchiale in s’Istradone de Sindia.

SINDIA: UNU SALUDU A TZIU BILLIA SECHE

Sindia at nadu adiosu, a un’ateru bìcculu de sa limba e de s’istoria sua : su manzanu de sa die 28 de bennarzu, in sa matessi die chi at lompìdos sos chentos e duos annos, nos at lassadu, tziu Giovanni Maria Sechi Sardu, connottu dae sa bidda, comente Billia Seche,  a pustis de una vida longa, sa familia sua e tottus sos abitantes de Sindia.

Naschidu in sa die de su 28 de bennarzu de s’annu 1907, fiat istadu pastore dae cando fiat piseddu, e cun su colare de sos annos fiat diventadu cun su traballu, un’istimadu cummertzante.

De intelligèntzia manna, est aduradu lùghidu e cun memoria manna, finas a s’urtima die.

In Sindia fiat connotu dae tottus, finas dae sos tzovanos, chi l'ant bidu, in sa dies bonas, setzidu in d’una cadrea a letzer su tzornale  dinnanti a sa domo sua, posta in s’Istradone.

Unu saludu mannu e unu abbratzu corale a sos fizos e a tottu su parentadu de tiu Billia Seche, dae sos Amministradores e dae tottus sos Sindiesos e dae tottus sos amigos chi teniat in d’onni ala de sa Sardigna.

SA LAVOS DE SINDIA:  DAE 20 ANNOS IN MESU A SA ZENTE.

Dae meda tempus cherimus iscrier carchi cosa subra de sa LAVOS (Liberu Assotziu de Volontariadu pro su Succursu), chi innanti a sa Pasca de Nadale, at lompidu sos 20 annos de attivitade.

Amus fina dimandadu a sos componentes de nos daer carchi notissia e carchi foto. Ma mancari siat coladu carchi tempus no nos ant giuttu galu nudda:  no pro mala gana, ma solu ca a sos componentes de sa LAVOS de Sindia, no agradat meda sa pubblitzitade.

Ant seberadu de a esser connottos pro s’impignu e pro su balore de su servitziu mannu chi sunt faghinde a sa zente de sa bidda de Sindia de sas biddas lacanantes.

Nois cherimus daer su matessi unu pagu de logu in cussu zassu, ammentende  chi sa sede noa de custu Assotziu s’agatat in sa Carrela de Santu Deormitti, a pagu trettu dae sa cregia e dae su Palattu Isportivu.  Occannu puru sa LAVOS at fattu unu bellu Calendariu pro s’Annu 2009,  in sa copertina de su cale s’agatat carchi foto cun sos componentes de s'Assotziu iin sos annos colados e una galana poesia de su poeta sindiesu MICHELANGELO PINNA.