IN AMMENTU DE UNU AMIGU DE SA LIMBA SARDA E DE SOS SARDOS.

In ammentu de unu amigu de sa limba sarda e de sos sardos.

In sas dies passadas nos at lassadu, a dolu mannu, Zuanne Frantziscu Pintore, iscritore e giornalista istimadu, pessona de balore mannu.

Est semper istadu unu Mastru e unu Amigu Mannu pro sos Operadores de sos Ufìtzios de sa Limba Sarda: mi che ammento cando l’aiat cumbidadu a bènnere in Sindia in su mese de santugaine 2009 in paris a Antonimaria Pala e Mariantonietta Piga pro faeddare de sa comunicatzione in limba sarda in sos cursos de formatzione pro sos dipendentes comunales e pro sa zente de Sindia.

Aiat fatu unu interventu bonu e bellu, chi fit agredèssidu meda a sa zente. E comente ismentigare cando nos fimis bidos puru in Montresta in una de sas primas editziones de sas  “Duas Dies” ammaniadas in cussa bidda chi apo in su coro, dae Gianfranca Piras cun su Sìndigu amigu de su sardu Antoni Zedda?

Comente ismentigare sas dies caentes in suta de su Palatu de sa Regione? Puru in cussas dies, issu, tziu “ZIEFFE” fit bennidu a nos saludare e agiudare.

Eris  merie in sa bidda de Orgosolo b’aiat s’interru sou, a su cale non soe andadu ca in paris a sos àteros operadores de sos isportellos linguìsticos de sa Provìntzia de Nùgoro e de s’Istitutu Bellieni, fimis traballande in Fonne in sos laboratòrios in limba sarda intre de sas iscolas e  a merie in sa ludoteca.

Duncas l’amus saludadu sighinde su caminu de traballu pro su sardu….

Adiosu Zuanne Frantzì…..

Màriu A. Sanna- Operadore Linguìsticu

zf pintore.jpg

Pubblicato in LINGUA SARDA-LIMBA SARDA, POLITICA LINGUISTICA, UFITZIU LIMBA SARDA SINDIA | Lascia un commento

SANDRO BICCAI, binchet su Prèmiu “A. PILUDU” in Iscanu.

SANDRO BICCAI, binchet su Prèmiu “A. PILUDU” in Iscanu.

Sighit a bìnchere in sos cuncursos literàrios de sa Sardigna tota Sandro Biccai, su giòvanu iscritore sindiesu, laureadu in leges: custa borta at binchidu in sa setzione II de su cuncursu de poesia “Antoni Piludu” de Iscanu chi ocannu fiat a sa de XIX editziones.

A su cuncursu ant partetzipadu 150 poetas e sa Giuria fiat cumposta dae Mariangela Brisi (Presidente), Antiogu Cappai, Maria Delogu, Vinuccia Marras, Pineddu Motzo, Giuanne Frantziscu Rosa e Maria Giuanna Serchisu, e Giuanna Frantzisca Piras (Segretària).

Chie est interessadu podet iscàrrigare su libreddu de su cuncursu dae su situ http://www.comune.scanodimontiferro.or.it/userfiles/Poesias%20premiadas_2012.pdf

e lèghere àteras informatziones in subra de su cuncursu in su situ http://ufitziulimbasardaplanargiamontiferru.blogspot.it/2012/09/iscanu-sas-poesias-premiadas-in-su.html.

Sandro Biccai Presidente de sa Giuria su Prèmiu de Poesia “Su Casu”, est istadu fintzas a custu cuncursu de Iscanu, su Presidente prus giòvanu de unu prèmiu literàriu in Sardigna. 

Como su Presidente prus giòvanu est Mariangela Brisi, laureada in lìteras iscanesa e collaboradora de su giornale diotzesanu DIALOGO. 

100_0189.JPG

In sa foto su dut. Sandro Biccai in sa premiatzione de su 1 Prèmiu “Su Casu” in Sindìa, in su mese de nadale 2010

Pubblicato in Artìculos, PERSONAGGI SINDIESI | Lascia un commento

Sos Pitzinnos nostros aisetant su sardu in Iscola….

Sos pitzinnos nostros faeddant aisetende sa limba sarda in iscola.

Cust’annu puru un’atera generatzione de fizos nostros intrana a iscola pro essere colonizados in limba italiana e pro cantzellare sa limba sarda.

No est custu unu delittu?

locandina informativa pitzinnos in iscola.jpg


Pubblicato in ASSESSORADU POLITICAS PRO SOS TZOVANOS, ISCOLA E SARDU/SCUOLA E SARDO, libri e fumetti, POLITICA LINGUISTICA, TZOVANOS- GIOVANI, UFITZIU LIMBA SARDA SINDIA | Lascia un commento

MAMAS ACOLIOSAS EI EDUCATORE FAMILIARES: ABERTURA NOA DE SOS TÈRMINES PRO PRESENTARE SA MANIFESTATZIONE DE INTERESSE.lo del post

 

MAMAS ACOLIOSAS EI EDUCATORE FAMILIARES: ABERTURA NOA DE SOS TÈRMINES PRO PRESENTARE SA MANIFESTATZIONE DE INTERESSU


Su bandu podet a èssere iscarrigadu dae su situ www.unionemarghine.it e sas dimandas depent a èssere presentadas intro e non ultres de sa die de su 4 de cabudanni 2012. 

129769268.jpg

iscàrriga s’avisu in su formadu pdf UNIONE DE SOS COMUNES DE SU MARGHINE- AVISU PRO ABERTURA NOA DE SU BANDU MAMAS ACOLIOSAS.pdf

 

Pubblicato in Avisos- Noas, BANDOS, UNIONE DE SOS COMUNES DE SU MARGHINE | Lascia un commento

Tancadura de s’ULS pro sas fèrias de s’istiu dae su 13 a su 26 de austu 2012

Ufìtziu Limba Sarda

de su Comune de Sindìa

 

 

images.jpg

Si che comunicat a sos tzitadinos chi s’Ufìtziu Limba Sarda (ULS) at adurare tancadu dae sa die 13 a sa die de su 26 de austu 2012, pro sas fèrias de s’istiu.

S’ULS, at a torrare a èssere abertu dae lunis 27 dae sas oras 11.00 a sas oras 13.30

Pubblicato in Avisos- Noas, DOCUMENTI- DOCUMENTOS, Progetu FAINAS A CUMONE 2012, UFITZIU LIMBA SARDA SINDIA | Lascia un commento

UNIONE DE SOS COMUNES DE SU MARGHINE. AVISU PRO SAS MAMAS ACOLIOSAS

S’Unione de sos Comunes de su Màrghine at publicadu unu avisu pro su servìtziu de sas “mamas acoliosas”. Si che trattat de unu finantziamentu de 30.000 euros, pro garantire in sos comunes de su Màrghine sos servìtzios pro sos pitzinnos dae sos 3 a sos 36 meses in istruturas minoreddas,  in domos privadas, cun sos pitzinnos sighidos dae una “mama accoliosa” o dae unu “educadore familiare”. 

images.jpg


Pubblicato in ASSESSORADU SERVITZIOS SOTZIALES, SOCIETA'- SOTZIEDADE, UNIONE DE SOS COMUNES DE SU MARGHINE | Lascia un commento

Cras sero in Sindìa, Consìgiu Comunale urgente e abertu.

Sunt passadas 5 dies dae s’atentatu contra de su Sìndigu de Sindìa Frantziscu Scanu. 

Su Vitzesìndigu Ernestu Pittalis at cunvocadu pro sa die de cras chenànbura 27 de trìulas 2012, una setzida de su Consìgiu Comunale “urgente e abertu”.

Sunt istados cumbidados sos tzitadinos totus, sos Amministradores comunales e provintziales de Sindìa e de sas biddas lacanantes. 

Sa setzida at èssere cras a sas oras 19.00 in sa Palestra de sas Iscolas Elementares in sa carrela de Iscaràulas. 

Iscarrigat inoghe sa cunvocada  Comune de Sindìa- cunvoca cunsigiu comunale urgente.pdf

 

images.jpg


Pubblicato in Avisos- Noas, PERSONAGGI SINDIESI | Lascia un commento

DELIBERA DE SU CONSIGIU COMUNALE DE SINDIA PRO SU SARDU IN SAS ISCOLAS

Su Consìgiu Comunale de Sindìa at deliberadu cun votatzione unanime sa die 6 de trìulas 2012, unu ordine de sa die, pro dimandare pro mèdiu de sa Regione Autonoma de Sardigna chi s’Ufìtziu Iscolàsticu Regionale, diat inditos pro dàere a sos babos e a sas mamas unu mòdulu pro s’insinniamentu de su sardu in sas iscolas. 

iscàrriga inoghe sa delibera in sardu Comune de Sindìa- Delibera CC n 13 2012 Tutela de su sardu in sas iscolas.rtf

iscàrriga inoghe sa delibera in italianu 131 – Delib. C.C. n. 13-2012 – Documento valorizzazione lingua sarda.pdf


Pubblicato in ASSESSORADU POLITICAS PRO SOS TZOVANOS, DOCUMENTI- DOCUMENTOS, ISCOLA E SARDU/SCUOLA E SARDO, POLITICA LINGUISTICA, SOCIETA'- SOTZIEDADE, UFITZIU LIMBA SARDA SINDIA | Lascia un commento

COMUNICADU DE S’UFÌTZIU LIMBA SARDA DE SU COMUNE DE SINDÌA. ABERTURA NOA.

COMUNICADU DE S’UFÌTZIU LIMBA SARDA DE  SU COMUNE DE SINDÌA.

Si che comunicat a sos tzitadinos chi dae oe 9  de su mese de trìulas 2012 torrat at abèrrere s’Ufìtziu Limba Sarda de su Comune de Sindìa.

Su progetu de s’annualidade 2008 numenadu “Fainas a Cumone”, chi at a essere fatu in su 2012 est istadu dadu in gestione dae banda de sa Provìntzia de Nùgoro a s’Istitutu de Istùdios e Chircas “Camillo Bellieni” de Tàtari.

Su progetu previdit sa presèntzia de s’Operadore ULS e àteras atividades dae ammaniare in paris cun s’Amministratzione Comunale, cun sa Biblioteca e cun sos Assotzios de sa bidda. 

Semus a disponimentu de sos tzitadinos e de sos assòtzios cada lunis dae sas oras 15.30 a sas oras 18.20 (oràrios de sos meses de trìulas e austu 2012), in  sa Domo Comunale in sa Sala de sa Giunta Comunale in s’Istradone (Corso Umberto).

Nos podides iscrìere a s’indiritzu de sa posta eletrònica limbasardasindia@yahoo.it .

S’Operadore ULS de su Comune de Sindìa.

Su Dut. Màriu A. Sanna

Pubblicato in Avisos- Noas, Progetu FAINAS A CUMONE 2012, UFITZIU LIMBA SARDA SINDIA | Lascia un commento

Incumintzat su Progetu “FAINAS A CUMONE”

Sa Pròvintzia de Nùgoro at presentadu in s’annu 2008 unu progetu numenadu “FAINAS A CUMONE” a su Dipartimentu pro sos Affàrios Regionales e a sa Regione Autonoma de Sardigna.

Pro su progetu chi at èssere fatu in s’annu 2012, sa Provìntzia de Nùgoro at detzisu de affidare sa gestione de sos Servìtzios Linguisticos Territoriales a s’Istitutu de Istùdios e Chircas “Camillu Bellieni” de Tàtari.

Sa Diretora de s’Uls de sa Provìntzia de Nùgoro est sa dut.ssa Mariantonietta Piga

Sas biddas chi ant aderidu a su su progetu “Fainas a cumone” sunt istadas partzidas in 8 Mandamentos:

 

Mandamentu 1 Nùgoro: Comune e Provìntzià- Operadora dut.ssa Gianfranca Selis

Mandamentu 2 Orane, Oroteddi, Ortzai, Sarule, Otzana, Duarche, Onieri, Noragùgume- Operadora- dut.ssa Sara Nieddu

Mandamentu 3 Bìroro, Bòrore, Bortigale, Golòthene, Lei, Silanos, Macumere, Sindia, – Operadore dut. Màriu A. Sanna

Mandamentu 4 Bitzi, Onanie, Orune, Osidde, Lùvula- Operadore dut. Giorgi Rusta

Mandamentu 5 Durgali, Mamujada, Orgòsolo, Ulìana, Fonne, Austis, Gadoni- Operadora dut.ssa Valentina Schirru

Mandamentu 6 Ovodda, Teti, Tìana, Pasada, Torpè Orosei, Lodè- Operadore dut. Anzelu Canu

Mandamentu 7 Gavoi, Lodine, Ollolai, Aritzo, Meana, Ortueri, Brebì- Operadora: dut.ssa Giuanna Chessa

Mandamentu 8 Ogiastra Irbono- Operadore dut. Ivan Marongiu

 

Pubblicato in ISCOLA E SARDU/SCUOLA E SARDO, LINGUA SARDA-LIMBA SARDA, MANIFESTAZIONI ED EVENTI- EVENTOS, SOCIETA'- SOTZIEDADE | Lascia un commento