Presentada de su Libru “CORO” de Edmondo De Amicis, bortadu in sardu dae Mariantonietta Piga

Presentada de su Libru “CORO” de Edmondo De Amicis, 

bortadu in sardu dae Mariantonietta Piga

Ant a èssere Presentes:

– Pepe Coròngiu – Dirigente RAS

-Paolo Cossu- Editore 

– Mariantonietta Piga

Leturas de: – Giorgi Rusta, Anzelu Canu e Gianfranca Selis 

 

presentada libru CORO- Nùgoro 29 de làmpadas 2012.jpg

Sa die de su 29 de làmpadas 2012

a sas oras 18.30

in su Càfe Literàriu Atene Sarda- Carrera Tola, Nùgoro

Iscàrriga su cumbidu Presentada libru CORO Nùgoro 29 làmpadas 2012.pdf

Pubblicato in ISCOLA E SARDU/SCUOLA E SARDO, LINGUA SARDA-LIMBA SARDA, MANIFESTAZIONI ED EVENTI- EVENTOS, SOCIETA'- SOTZIEDADE, UFITZIU LIMBA SARDA SINDIA | Lascia un commento

Sos Augùrios de su Sìndigu e de s’Amministratzione Comunale de Sindìa

Sos Augùrios de su Sìndigu Frantziscu Scanu e de s’Amministratzione Comunale de Sindìa a sos tzitadinos e sos sindiesos chi istant in fora. 

auguri 2011 sindia.jpg

iscàrriga sa lìtera de su Sìndigu pg.1 auguri del sindaco pg 1.jpg

iscàrriga sa lìtera de su Sìndigu pg. 2 auguri del sindaco pg 2.jpg

Pubblicato in Senza categoria | Lascia un commento

SOS PREMIADOS E SA PREMIATZIONE DE SU II° PRÈMIU DE POESIA “SU CASU”

 SOS PREMIADOS E SA PREMIATZIONE DE SU II° PRÈMIU DE POESIA “SU CASU”

 A pustis de sa setzida de eris sero in s’Aula de sa Giunta de su Munitzìpiu de Sindia, sa Giuria at detzisu de istilare sa graduàtoria chi sighit:

 Pro sa Setzione A- Poetas de Fora:

1° Salvatore Murgia de Macumere cun sa poesia SOLEDADE; caria inoghe pro la lèghere POESIA 3 A.jpg

2° Maria Luisa Pisanu de Golòthene cun sa poesia S’ISPERU caria inoghe pro la lèghere POESIA 8 A.jpg

3° Giangavino Vasco de Bortigale cun sa poesia PUITE SES TRISTAcaria inoghe pro la lèghere POESIA 10A.jpg

 Ant apidu sa Mentzione d’Onore:

          Tonino Fancello de Durgale cun sa poesia LAGRIMAS MUDAS; caria inoghe pro la lèghere POESIA 1 A.jpg

          Domenico Angelo Fadda de Tiesi cun sa poesia CHE SA LUNA, CHE SU SOLEcaria inoghe pro la lèghere  POESIA 5 A.jpg

Ant tentu una Sinnaliatzione de sa Giuria:

          Antonio Sannia de Bortigale, cun sa poesia ISPOSA MIAcaria inoghe pro la lèghere POESIA 16 A.jpg

          Angelo Ardu de Frussio, cun sa poesia IMMIGRADOS. caria inoghe pro la lèghere POESIA 12A.jpg

 Pro sa Setzione B- Poetas Locales:

1° Francesco Chessa, unu sindiesu chi istat in Nùgoro, chi aiat binchidu puru s’annu passadu, cun sa poesia SA FUNTANA DE S’ABBAIDOLZA DE SINDIA. caria inoghe pro la lèghere POESIA 1 B.jpg 

 Sa Giuria at detzisu de non assignare su 2° e su 3° prèmiu e cuntzedere sa Sinnalatzione a:

          Maria Antonietta Demartis, cun sa poesia SA NATURAcaria inoghe pro la lèghere POESIA 5B.jpg

          Gabriele Pisanu, cun sa poesia, CHENTUCHIMBANTA. caria inoghe pro la lèghere POESIA 3B.jpg

Sas Premiaduras, ant a èssere fattas sa die de domìniga 18 de nadale a sas oras 16.00 in s’Aula Consiliare de su Comune de Sindia, in s’Istradone.

Setzis cumbidados a partetzipare.

Sindia, 13 de nadale 2011. 

                                                                                                         

Su Responsàbile ULS Sindia e Segretàriu de su Prèmiu

dut. Màriu Antìogu Sanna 

 

Pubblicato in 2 Prèmiu de Poesia "SU CASU" 2011, MANIFESTAZIONI ED EVENTI- EVENTOS, PRO LOCO DE SINDIA, UFITZIU LIMBA SARDA SINDIA | 1 commento

SU PROGRAMMA DE SAS MANIFESTATZIONES PRO SAS FESTAS DE NADALE E PRO SA FINE DE S’ANNU 2011 IN SINDIA.

SU PROGRAMMA DE SAS MANIFESTATZIONES PRO SAS FESTAS DE NADALE E PRO SA FINE DE S’ANNU 2011 IN SINDIA.

 Unu programma riccu meda de eventos e manifestatzione est istadu ammaniadu dae s’Amministratzione Comunale de Sindia, in paris cun Sa Pro Loco e cun s’agiudu de sa Regione Autonoma de Sardigna, de s’Unione de sos Comunes de su Màrghine, a su cale ant collaboradu sa Biblioteca Comunale, su Tzentru de Aggregatzione Sotziale, su Servìtziu Tzivile Natzionale, s’Ufìtziu Limba Sarda, sa Parròchia Abatziale de Nostra Signora de Corte, s’Atzione Cattolica “Angelino Cuccuru”, sa Coop. Soc. San Giorgio.

 

Iscarriga inoghe su programma in pdf locandina natale 3 2011.pdf

 

Pubblicato in 2 Prèmiu de Poesia "SU CASU" 2011, Avisos- Noas, MANIFESTAZIONI ED EVENTI- EVENTOS, PRO LOCO DE SINDIA, UNIONE DE SOS COMUNES DE SU MARGHINE | Lascia un commento

Tancadura ULS su sero de lunis 21 de santandria 2011

Si che comunicat a sa tzitadinàntzia chi sa die de lunis 21 de santandria 2011, s’ULS de Sindia at adurare tancadu su sero ca s’Operadore at a èssere impinnìadu in àtera sede.

S’Operadore ULS

Màriu A. Sanna

Pubblicato in Avisos- Noas | Lascia un commento

II Prèmiu de Poesia “SU CASU”.

Est in disponimentu su Bandu de Cuncursu pro sa duas editziones de su Prèmiu de Poesia “SU CASU”.

S’ammentat chi:

 b’ant a èssere tres (3) Setziones:

A-    POETAS DE FORAS, pro sos poetas chi no sunt de Sindia;

B-    POETAS LOCALES, pros sos poetas chi sunt nàschidos, chi ant abitadu, chi apant sa residèntzia in Sindia;

C-    ISCOLA, pro sos piseddos chi sunt iscritos a sas iscolas de Sindia.


  • Sos traballos cherent imbiados intro a sa die 30 de santandria a sas oras 13.00
  • Sas Premiaduras ant a èssera sa die 18 de nadale a sas oras 16.00

 

Iscarriga inoghe su bandu in sardu Bandu de su 2° Premiu de Poesia SU CASU SINDIA NU 2011.pdf

Iscarriga inoghe su bandu in italianu Bando 2° Premio di Poesia SU CASU, SINDIA NU 2011.pdf

Immag004 - Copia.jpg

Sa foto est leada dae su Murale fatu dae Pina Monne in Sindia, in s’annu 2009.

BANDU DE CUNCURSU DE SU 2° PRÈMIU DE POESIA “SU CASU”, ANNU 2011.

 INTRODUIDA.

Su Prèmiu de Poesia “SU CASU”, naschit in Sindia cun s’idea de istituire in bidda, una manifestatzione culturale pro infortigare sas raighinas de sa cultura sotziu-econòmica de Sindia, ligada a s’allevamentu de su bestiàmine e de su traballu pro sa produida de su casu.

Dae semper sa poesia at tentu unu rapportu mannu cun sos pastores e massajos: a dies de oe custu cuncursu de poesia at a permìtere de fàghere iscobèrrere sas paràulas e su sentidu de sa limba chi fit faeddada cada die in su fitianu dae sos mannos nostros.

Est volontade manna de s’Amministratzione Comunale de Sindia, defensare e infortigare s’impreu de su sardu e in particulare sa faeddada sindiesa e in s’àmbitu de custu benit inditadu custu cuncursu comente mèdiu pro infortigare su sardu iscritu e faeddadu. Pro custu a pustis de sa presentada de su progetu de de duas annualidades approntadu dae su Delegadu a sa Cultura e dae s’Ufìtziu de sa Limba Sarda (ULS), cun sa Delibera de sa Giunta Comunale nùmeru 88 de sa die 8 de austu 2011 at dadu s’incàrrigu a sa Pro Loco de Sindia in paris a s’ULS de organizare sa de duas editziones.

SETZIONES DE CUNCURSU

Su Bandu de su Prèmiu de Poesia “Su Casu”,  prèvidit tres Setziones:

A- POETAS DE FORA, pro sos poetas chi non sunt de Sindia ;

B- POETAS LOCALES, pro sos poetas chi sunt nàschidos o chi ant abitadu, o chi apant sa residèntzia in Sindia ;

C- ISCOLA, pro sos piseddos chi sunt iscritos a sas iscolas de Sindia.

 ATERAS INFORMATZIONES

·          su tema de sas poesias est lìberu;

·          sos elaborados chi ant a èssere presentados, depent a èssere in rima (es. sonettos, terzinas, ottavas….) ;

·          sas poesias non depent a essere prus longas de sos baranta (40) versos;

·          si che podet leare parte a su cuncursu, cun d’una poesia sola, chi siat inèdita e in d’una setzione sola;

·          sa partetzipazione a su cuncursu, est indonu.

PRESENTADA DE SAS POESIAS

Sos traballos, iscritos a macchina o cun sos programmas de iscritura de s’elaboradore , depent a èssere iscritos cun sa dimensione de 12 e cun sos tipos de carateres giamados “ARIAL” o “TIME NEW ROMAN”.

Sos traballos depent a èssere presentados in ses (6) còpias.

Sos traballos depent a èssere cunsignados pro posta o a manu, a s’Ufìtziu de su Protocollu de su Comune de Sindia de su Comune de Sindia, intro sas oras 13.00 de sadie de 30 de su mese de santandria: at a faghere fide su timbru postale.

Sos traballos depent a èssere firmados cun d’unu nùmene inventadu (o unu paralùmene) e postos a intro de una busta manna serrada, chi a fora depet a tènnere iscritu cantu sighit: COMUNE DE SINDIA- UFITZIU DE SA LIMBA SARDA – CORSO UMBERTO I°, 08018- SINDIA (NU). 2° PRÈMIU DE POESIA “SU CASU”-  SETZIONE A-“POETAS DE FORA”, B-“POETAS LOCALES”,  o puru SETZIONE C- “ISCOLA” .A intro de sa busta manna depet a èssere posta una busta minoredda (chi andat serrada), cun a intro unu billeteddu cun sas generalidades chi sighint de su poeta: nùmene, sambenadu, indiritzu de domo, nùmeru de telèfonu e s’eventuale indiritzu de sa posta elettrònica.

Pro motivos ligados a sa publicatzione, est agradèssida sa tradutzione in italìanu de sos traballos imbìados: sa  tradutzione est obligatòria pro sos traballos  iscritos in gadduresu, in tataresu, in su catalanu de S’Alighera- L’Alguer e in tabarchinu. De sa tradutzione si che depet mandare una còpia sola.

Àteras informatziones podent a èssere dimandadas a su nùmeru de telèfonu 0785- 41570 su lunis dae sas oras 9.30 a sas 12.30 e da sas oras 16.00 a sas oras 17.30 o iscrìende a sos indiritzios de posta elettrònica chi sighint: limbasardasindia@yahoo.it o ufitziulimbasarda@comune.sindia.nu.it

AVVERTÈNTZIAS

1.       Sos traballos imbiados, non depent a èssere istados premiados in àteros Cuncursos e nemmancu imprentados o pubblicados.

2.       Sos traballos imbiados, non ant a èssere torrados e su Comune de Sindia chi si che lassat cada deretu e sa facultade de los pubblicare finas in sa ràdiu, in sa televisione, in internet, sena pagamentu perunu de sos deretos.

3.       S’autore at adurare su mere ùnicu de sa poesia chi at iscrittu.

4.       Sos cuncurrentes, atzetant sena reserva, totu sas cunditziones de su bandu de cuncursu.

5.       Sos traballos podent a èssere iscritos in cale si siat variedade de sa Limba Sarda, in Limba Sarda Comuna (LSC) e in sas àteras limbas faeddadas in Sardigna (su Catalanu de S’Alighera-L’Alguer, su Gadduresu, su Tattaresu e su Tabarchinu).

S’Ammentat  torra, chi pro custas variedades est obbligatòria sa tradutzione.

SA GIURIA

Sa Giuria est cumposta dae pessonas cumpetentes e istimadas, seberadas dae s’Amministratzione Comunale de Sindia; su Dut. Mario A. Sanna, in sa calidade de Responsàbile de s’Ufìtziu Limba Sarda de su Comune de Sindia, at a fàghere sas funtziones de Segretàriu.

Sa Giuria at a detzìdere, cales sunt sos elaborados binchidores pro sas sezione A e B de su Primu, de su  Segundu e de su Terzu, sos Mentovados, e sos Sinnalìados.

Sa detzisione de sa Giuria non podet a èssere mudada.

PRÈMIOS

Su primu, su segundu e su terzu de sa setzione A e B, ant a essere premiados cun prèmios vàrios; sos àteros premìados ant a retzire unu Atestadu dae s’Amministratzione.

Sa Premiatzione at a tènnere logu, sa die de domìniga 18 de su mese de nadale, a sas oras 16.00, in s’Aula Consiliare de su Comune, in s’Istradone. 

Sos binchidores, sos mentovados e sos sinnaliados, ant a èssere avertidos, cun tempus, pro telèfonu.

Est agradessida a sa premiatzione a sa presèntzia de tottus sos partetzipantes a su cuncursu.


Immag004 - Copia.jpg

Pubblicato in 2 Prèmiu de Poesia "SU CASU" 2011, Avisos- Noas, PRO LOCO DE SINDIA, UFITZIU LIMBA SARDA SINDIA | Lascia un commento

TANCADURA ULS SU SERO DE LUNIS 24 DE SANTUGAINE 2011

AVISU

Si che comunicat chi su sero de sa die de lunis 24 de su mese de santugaine 2011, s’Ufìtziu Limba Sarda, at adurare tancadu pro impìnnios de s’Operadore in àtera sede.

 

Sindia, sa die 25 de su mese de santugaine 2011.

S’Operadore ULS

Dut. Mario A. Sanna

Pubblicato in Avisos- Noas | Lascia un commento

TANCADURA ULS LUNIS 17 DE SANTUGAINE


AVISU

 

Si che comunicat a sos tzitadinos chi sa die 17 de su mese de santugaine 2011, s’Ufìtziu Limba Sarda de Sindia, at adurare tancadu, ca s’Operatore at a èssere impinniadu in àtera sede.

 

Sindia(NU), sa die 17 de santugaine 2011.

S’Operadore ULS -Mandamentu VIII

Dut. Mario A. Sanna

Pubblicato in Avisos- Noas | Lascia un commento

Sindia: Festa de Santu Deormiti (Deolmiti), 16, 17 de su mese de santugaine 2011.

Sindia: Festa de Santu Deormiti (Deolmiti), 16, 17 de su mese de santugaine 2011.

 In custas dies b’at a èssere festadu Santu Deormiti (Deolmiti), sa die de dominiga 16 b’at a èssere un’addòviu de sas Cunfràrias de sa diocesi, su Fogulone (oras 19.00), missas, rosariu e vespru pro tota sa notte cun bizzadorzu.

SAN DEMETRIO FACCIATA 2.jpg

Sa die de lunis 17 a sas oras 11.00 b’at a èssere sa Missa Solenne, cun su Mons. Antoni Frantziscu Spada artzipredi de sa Concattedrale de Bosa; su sero b’ant a èssere giogos pro sos piseddos a sas oras 16.00 e a sas oras 22.00 su Contzertu de su gruppu Sandalia, unu gruppu musicale mentovadu meda, cun sas raighinas in Otieri, chi giughet a sa battèria su sindiesu Istèvene Deriu. Sa die 18 at a èssere festadu Santu Teodosio, cun sa missa de su manzanu. 

 

SAN DEMETRIO STATUA.jpgRETABLO SAN DEMETRIO.jpg 

Pubblicato in FESTAS | Lascia un commento

BANDU PRO SAS “ORAS PRETZIOSAS”. Iscadèntzia sa die 15 de santugaine 2011.

BANDU PRO SAS “ORAS PRETZIOSAS”. Iscadèntzia sa die 15 de santugaine 2011.

 Sunt in disponimentu in su Comune de Sindia sos mòdulos pro fàghere sa dimanda pro su contributu pro sas oras pretziosas, in s’ambitu de su “P.O.R. FSE. 2007-2013- Obiettivo Competitività Regionale e Occupazione, Asse I, Adattabilità- Linea di Attività B.1.3., Interventi a favore delle famiglie per la conciliazione dei tempi di lavoro con la cura familiare” , fatu dae s’Assessoradu Regionale de s’Igiene, Sanidade e Assistèntzia Sotziale- Servìtziu pro s’Atuatzione de sas Polìticas Sotziales Comunitàrias, Natzionales e Regionales, ant ativadu su bandu pro fàghere dimanda pro sas “ORAS PRETZIOSAS”; su bandu est inditadu pro agiudare sas famìlias e sos babos e sas mamas a cuntziliare sos impinnos de traballu cun sos fìgios.

Sighinde custu chi est unu de sos inditos de sa Istratègia de Lisbona, est cussa de fàghere crèschere sa calidade de sa vida familiare, sa Diretzione Generale pro sas Polìticas Sotziales cheret cun s’avisu “ORE PREZIOSE” finantziare sos progetos comunales chi sunt inditados a dàere mèdios pro megiorare e torrare respostas bonas pro sa gestione de sos tempos de su traballu e pro sa cura de sa famìlia.

Sos intzentivos sunt contributos chi podent favorèssere su gosamentu de sos servìtzios sotziales pro sa prima infàntzia in sos servìtzios e istruturas autorizadas a sos sensos de sa normàtiva vigente, intre su perìodu dae su 1 de cabidanni 2010 a su 31 de trìulas 2011.

Ant a èssere sas Amministratziones Comunales de sa Sardigna una borta collidas sas dimandas de contributu presentadas dae sos Destinatàrios e a pustis de s’eseme de sos rechisitos de ammissibilidade, imbiant sa dimanda de contributu (progetu) a sa Regione Sardigna chi est sa responsàbile de sa Linea de Interventu.

Sos contributos sunt destinados a sos babos e a sas mamas traballadores chi apant sa residèntzia in Sardigna e chi apant fìgios o minores in càrrigu de edade cumpresa intre sos 3 e sos 36 meses, sos cales benefìtziant de Servìtzios o Istruturas autorizadas.

Sos destinatàrios de sos contributos depent àere sos rechisitos chi sighint:

a)     àere sa residèntzia in Sardigna;

b)     èssere impignados in atividades de traballu in su pèriodu de riferimentu pro su cale si che dimandat su contributu;

    1. depent àere unu cuntratu regolare de traballu subordinadu (a tempus pienu o nono, a tempus indeterminadu o determinadu) in su perìodu de riferimentu;
    2. depent àere unu cuntratu regolare de traballu subordinadu (a progetu, cococo, ocasione de traballu) in su perìodu de riferimentu;
    3. depent àere esercitadu (o esercitare) un’atividade de traballu autònomu in su perìodu de riferimentu;
    4. depent àere unu reditu familìare riferidu a s’annu 2010 o sighente ma in cursu de valididade a su 31.07.2011 calcoladu con su mètodo ISEE chi siat uguale o minore a sos 35.000,00 euros.

 A sas dimandas cherent allegados sos documentos chi sighint:

a)     Declaratzione de su rèditu Isee;

b)     Còpia de unu documentu d’identidade;

c)      Pro sos traballodores dipendentes sas bustas pagas pro cada mese de atividade o puru s’atestadu de servìtziu;  pro sos traballadores autònomos s’atestadu de iscritizione a su registru de sa Càmera o puru s’atestadu de iscritzione a s’Albu professionale.;

d)     Sos tzertificados de iscritzione e de frecuèntzia a su servìtziu o a s’istrutura autorizada;

e)     Unu Documentu chi atestat sas ispesas fatas;

f)        Sa Declaratzione de su titolare de su Servìtziu o Istrutura autorizada;

g)     Àteros documentos chi sunt facultativos e ant a dàere puntegiu si che podent bìdere in su bandu.

 

Pro àteras informatziones dimandare a s’Ufìtziu de sos Servìtzios Sotziales de su Comune o bìdere su situ de sa Regione Sardigna www.regione.sardegna.it; sas dimandas cherent presentadas in su Comune de Residèntzia intro a sa die 15 de santugaine. 

Pubblicato in ASSESSORADU SERVITZIOS SOTZIALES, Avisos- Noas, UFITZIU LIMBA SARDA SINDIA | Lascia un commento