Comune de Sindia: possibilidades de traballu.

Comune de Sindia: possibilidades de traballu.

In su situ de su Comune de Sindia a sa pagina http://www.comune.sindia.nu.it/ sunt in disponimentu sos bandos pro unu ingegneri o architettu e pro 4 giòvanos diplomados comente Volontàrios de su Servìtziu Tzivile Natzionale. 

Sa dimanda pro primu bandu iscadit sa die 14 de su mese de santugaine 2011, sa dimanda pro su Servìtziu Tzivile cherent presentadas intro a sa die de su 21 de santugaine 2011. 

 

Pubblicato in Senza categoria | Lascia un commento

Su Comune de Sindia, at dadu su bonus dae 1.000 euros a sos nàschidos novos.

Su Comune de Sindia, at dadu su bonus dae 1.000 euros a sos nàschidos novos.

 

Sa chida passada in unu atopu fatu in s’Aula Consiliare de su Comune, sos Amministradores de su Comune de Sindia, ant cunsinnadu a sos babos e a sas mamas de sos piseddos nàschidos novos in s’annu 2010 su bonus dae 1.000 euros.

Su Sìndigu Franco Scanu, in su saludu at nadu chi custos 1.000 euros cherent a èssere unu sinnale de agiudu a sas famìlias, in custos tempos de crisi econòmica manna.

Immag314.jpg

 

S’Assessore a sas Polìticas de sos Giòvanos Nicola Secchi, at presentadu una relata curtza, ube at faeddadu de su fenomenu de s’abbandonu de sas biddas chi istant a intro de sa Sardigna, pro istare in sas tzitades e pro sas biddas chi s’agantant  a curtzu dae su mare.

At puru postu in claru chi s’Amministratzione Comunale at a fàghere totu cantu cussu chi s’at a pòdere fàghere pro cuntrastare su fenomenu, cun pòliticas de su traballu chi ant a permìtere a sos giòvanos de Sindia, de torrare a bìvere a bidda cun sas familias.

Sunt istados 13.000 euros, su dinari chi su Comune de Sindia, at destinadu a custu progetu de su bonuspro sos piseddos naschidos in s’annu 2010. 

Immag318.jpg

 

 

 

Pubblicato in ASSESSORADU POLITICAS PRO SOS TZOVANOS, TZOVANOS- GIOVANI, UFITZIU LIMBA SARDA SINDIA | Lascia un commento

TANCADURA ULS LUNIS 3 DE SANTUGAINE

AVISU

Si che comunicat chi sa die lunis 3 de su mese de santugaine 2011 s’Uls at adurare tancadu, ca s’Operadore est in maladia. 

S’ULS at a torrare a èssere abertu sa die de lunis 10 de santugaine 2011.

S’Operadore ULS

Dut. Mario A. Sanna

Pubblicato in Avisos- Noas, UFITZIU LIMBA SARDA SINDIA | Lascia un commento

PREVENTZIONE E SIGURESA IN SU TRABALLU DE SOS MASSAJOS

S’ASPEN de Nùgoro in paris cun s’INAIL e cun sa collaboratzione de s’ULS (Ufìtziu Limba Sarda) de sa Provìntzia de Nùgoro at approntadu unu libreddu pro dàere cunsìgios pro sa preventzione e sa siguresa in su traballu pro sos massajos. 

Ne sunt istadas imprentadas 9.000 còpias.

Preventzione e siguresa in sos traballos de s'agricoltura.jpg

Su libreddu est in disponimentu in su formadu pdf in su situ de s’INAIL http://siti.inail.it/sardegna/Sicurezza_in_Agricoltura.pdf

Pubblicato in ASSESSORADU AMBIENTE E AGRICOLTURA, UFITZIU LIMBA SARDA SINDIA | Lascia un commento

BANDU PRO SA CUNTZESSIONE DE SOS CONTRIBUTOS PRO S’ABATIMENTU DE SOS COSTOS DE SOS SERVÌTZIOS ESSENTZIALES E/O DE SOS OBLIGOS TRIBUTARIOS (EQUITALIA)

Su Comune de Sindia at pùblicadu unu bandu pro sa cuntzessione de contributos pro s’abatimentu de sos costos de sos Servìtzios Essentziales e/o de sos òbligos tributàrios (EQUITALIA). 

Su Bandu faghet parte de su progetu numenadu Lìnea de Interventu 2. 

Su Bandu est in disponimentu in s’Albu Pretòriu de su Comune e in su situ internet  de su Comune http://www.comune.sindia.nu.it/.

Iscarriga su bandu in sardu com sindia bandu cuntrastu a sas pobertades 2011.pdf

Pubblicato in ASSESSORADU SERVITZIOS SOTZIALES, BANDOS | Lascia un commento

SU PROGRAMMA DE SA FESTA DE SANTA MARIA DE CORTE O CABUABBAS 2011

SU PROGRAMMA DE SA FESTA IN ONORE DE SANTA MARIA DE CORTE O CABUABBAS- SINDIA 30 DE AUSTU- 9 DE CABIDANNI 2011. 

BANDELAS: MARIA SENES, PIETRO LEDDA E CLAUDIO PITTALIS. 

Immag304.jpg


Pubblicato in FESTAS, MANIFESTAZIONI ED EVENTI- EVENTOS | Lascia un commento

AVISU ULS: Tancadura pro sas dies de fèrias de s’istiu 2011

 

Copia di Copia di Logo ULS caratteri RIDOTTO X SITO.jpg

MANDAMENTU VIII- COMUNES DE MACUMERE E SINDIA

logo comune sindia.jpg

Comune de Sindia

AVISU

 Si che comunicat chi s’Ufìtziu Limba Sarda, at adurare serradu pro sas dies de fèrias de s’istiu dae su sero de sa die 8 de austu, fintzas a sa die de lunis 22 de austu.

 

 Su Responsàbile de s’ULS- Mandamentu VIII

 

Dut. Mario A. Sanna

ferias pro s’istiu sindia.pdf

Pubblicato in Avisos- Noas, UFITZIU LIMBA SARDA SINDIA | Lascia un commento

Sàpadu 23 de trìulas sa FESTA DE S’EMIGRADU 2011- SU PROGRAMMA

Su Comune e sa Pro Loco de Sindia ant organizadu pro sa die de sàpadu 23 de trìulas sa FESTA DE S’EMIGRADU 2011.


   Comune de Sindia                                                

 Pro Loco de Sindia

 

 

SÀPADU 23 DE TRÌULAS

FESTA DE S’EMIGRADU 2011

in su Cortile de sas Iscolas Elementares

PROGRAMMA :

Oras 18.00

Santa Missa in sa cregia de Santu Giorzi

Oras 19.00

Aperitivu

Oras 20.00

Sa chena in cunviviu

Oras 22.00

Ispettàculu musicale cun sos “The Eternal Paradise” e

a su sonette Mattia Murru

Totta sa populatzione est cumbidada a sa festa

Pubblicato in MANIFESTAZIONI ED EVENTI- EVENTOS | Lascia un commento

SU PROGRAMMA DE S’ISTIU SINDIESU 2011

Su Comune de Sindia in paris a sa Pro Loco ant organizadu una serie manna de eventos pro s’istiu 2011: cun su Torneo de Calcetto, Seradas animadas, Festa de s’Emigradu, Sindia Rock Festival, Inue ba fumu bada arrostu, Die de sa Nutella, Die sa Sindria, Ispettàculos Teatrales etz.

Su Comune e sa Pro Loco de Sindia bos cumbidant a:

S’ISTIU SINDIESU 2011

Sàpadu 9 de trìulas a sas eoras 20.00: Torneo de calcetto (in d’una notte sola), a cura de sa Polisportiva Ambrosiana 2010.

Mèrcuris 13 de trìulas a sas oras 21.00: Ballos pro tottus(Sardu, latinu, ecc.)               

Sàpadu 16 de trìulas a sas oras 18.00: Giocos e animatziones pro sos piseddos, magos e giocolieris.

Sàpadu 16 de trìulas a sas oras 21.00: animatzione musicale cun s’ispettàculu de sa “Corrida”.

Sàpadu 23 de trìulas oras 18.00: FESTA DE S’EMIGRADU 2011

Sàpadu 30 de trìulas a sas oras 18.00:

“INUE BA FUMU BADA ARRUSTU”, III EDITZIONE

 

Sàpadu 30 de trìulas a sas oras 18.00:SINDIA ROCK FESTIVAL

iscarriga inoghe sa locandina locandina da stampare.pdf , su regolamentu sindia rock festival.pdf, su mòdulu de dimanda pro partetzipare scheda iscrizione concerto.pdf

 

Gioja 4 de austu a sas oras 21.30: NU-DAY (DIE DE SA NUTELLA)

iscarriga inoghe sa locandina  nuday locandina.pdf                                         

Mèrcuris 10 de austu a sas oras 21.00: SINDRYA MUSIC PARTY (DIE DE SA SINDRIA)

Sàpadu 20 de austu a sas oras 21.00:  Ispettàculu teatrale

Lunis 22 de austu dai sos 12 annos in subra…gita a DIVERLAND

Pro informatziones e prenotatziones podides telefonare a su nùmeru 340-0933489.   

Pubblicato in MANIFESTAZIONI ED EVENTI- EVENTOS | Lascia un commento

BANDU PRO S’EROGATZIONE DE SU “BONUS” PRO SOS/SAS PISEDDOS/AS NÀSCHIDOS/AS IN S’ANNU 2010

COMUNE DE SINDIA

PROVÌNTZIA DE NÙGORO

Servìtziu Amministrativu

BANDU PRO S’EROGATZIONE  DE SU “BONUS”  PRO SOS/SAS PISEDDOS/AS NÀSCHIDOS/AS  IN S’ANNU 2010 

iscarriga su bandu in sardu 

Bandu contributu pro sos nàschidos annu 2010.pdf

iscarriga su bandu in italìanu 

BANDO NEONATI SINDIA ANNO 2010.pdf

 

iscarriga su mòdulu de dimanda 

MODULU PRO SOS NASCHIDOS ANNU 2010.pdf

 

COMUNE DE SINDIA

PROVÌNTZIA DE NÙGORO

Servìtziu Amministrativu

BANDU PRO S’EROGATZIONE  DE SU “BONUS”  PRO SOS/SAS PISEDDOS/AS NÀSCHIDOS/AS  IN S’ANNU 2010 

ALLEGADU A SA DETERMINATZIONE

N. 118 DE SA DIE DE S’ 08/07/2011

1.      PREMISSAS E FINALIDADES

 

Su Comune de Sindia, cun sa punna de reulare su fenòmenu de s’ispòpulu de sa bidda e sustentare sas famìlias e cròbas de giovànos isposos, at istituidu unu “bonus” pro sas famìlias chi ant tentu unu fìgiu in s’annu 2010.

A tucare da sa die dae sa publicàtzione de su bandu presente sos sugetos chi ant sos rechisidos suta elencados

podent presentare sa dimanda pro tènnere su contributu “Bonus neonato”.

Sa punna de sa proposta est cussu de fàghere unu istrumentu nou chi potzat contribuire a sas netzessidades econòmicas ligadas a su primu pèriodu de formatzione de sa croba e a su primu de vida de sa criadura.

 

2.      TIPOLOGIA DE SU BONUS

 

Su “Bonus neonato” benit istituidu cun unu bandu pùblicu, fatu chi siat istadu approvadu su finantziamentu apòsitu in su bilantzu de previsione de cada esetzìtziu finantziàriu.

S’importu de su “Bonus neonato” est de 1.000,00 euros pro cada nàschidu/a nou/a, chi at a èssere erogadu  a manera de“una tantum”

 

3.      SOGETOS BENEFITZIÀRIOS: RECHISIDOS

 

Su contributu est destinadu a sos/sas piseddos/as chi sunt nàschidos/as  in s’annu 2010 (dae sa die 1 de su mese de ghennàrgiu- a sa die 31 de su mese de nadale).

Su contributu podet a èssere dimandadu dae su babu o dae sa mama de sos/sas  piseddos/as de sos/sas cales a su comma antepostu innantis chi resurtant àere sos rechisidos chi sighint:

 

·         Chi apant sa residèntzia e chi istant in Sindia;

·         Chi apant tentu unu/a piseddu/a in s’annu 2010 e chi su piseddu/a siat istadu/a iscritu/a in s’Anagrafe de su Comune de Sindia;

·         Chi apant, comente nùcleu familiare, una situatzione econòmica de equivalèntzia (ISEE) chi no siat superante a sos 40.000,00 euros.

 

4.      TERMINES E MODALIDADES PRO PRESENTARE SAS DIMANDAS

 

Sas dimandas de partetzipatzione a su bandu presente de cuncursu depent a èssere cumpiladas impreande solu sos mòdulos apòsitos predispostos dae su Comune de Sindia.

Sas rechestas, sutascritas comente s’ispetat e curredadas dae una còpia de su documentu de identidade, depent a èssere cumpletadas cun totu sa documentatzione netzessaria e idonea e indicare s’indiritzu a su cale depent a èssere trasmissas sas comunicatziones relativas a su bandu presente.

 

Pro pòdere cuncùrrrere, sos interessados ant a dèpere presentare sa documentatzione chi sighit:

 

·         dimanda de partetzipatzione firmada e iscrita impreande solu su mòdulu allegadu chi cuntentzat sas declaratziones sostitutivas de tzertificazione;

·         còpia declaratzione ISEE pro s’annu 2010;

·         una còpia de unu documentu de identidade chi siat vàlidu. 

 

Sa dimanda de partetzipatzione a su cuncursu, predisposta impreande solu su mòdulu allegadu, publicadu in su situ internet de su Comune de Sindia www.comune.sindia.nu.it , depet a èssere presentada intro sas oras 14.00 de sa die 12/08/2011, a manu o puru a mèdiu de raccomandada a/r cun avisu de retzida, a s’ufìtziu protocollo de su Comune de Sindia, Corso Umberto I n°27- 08018 Sindia (NU).

 

5.      VERÌFICA DE SAS DIMANDAS E ASSIGNADURA DE SU CONTRIBUTU (BONUS)

 

Su Comune de Sindia protzedit a s’istrutòria de sas dimandas de sos partetzipantes e a sos controllos relativos verificande chi siant completos e regulares e providit a s’erogatzione de sos bonus sighende sos disponimentos de su bandu presente.

Sos nucleos de sas famìlias pro sos cales, in fatu de sos atzertamentos dispostos dae s’Ufìtziu chi n’at sa cumpetèntzia, at a essire a fora chi su chi est istadu declaradu no est beru , ant a èssere escluidos dae s’erogatzione de su contributu.

Sas dimandas chi non siant istadas cumpletadas o chi non ant totu sa documentatzione chi est istada rechesta, no ant a èssere cunsideradas bàlidas a sos fines de s’erogatzione de su bonus e ant a èssere duncas escluidas.

 

A sos sensos de s’art. 71 de su DPR n°445/2000, pertocat a s’Amministratzione Comunale protzedere a sos controllos a manera idonea, finas “a campione”, subra su fatu chi sas declaratzione sostitutivas siant beras.

S’Amministratzione si che reservat de verificare si sas declaratziones in subra de sa situatzione de sa famìlia siant beras.

S’Amministratzione Comunale at a fàghere atzione legales pro su recùperu de sos importos e pro cada àteru adempimentu chi siat cunseghèntzia de declaratziones non beras e de sos datos declarados chi non sunt beros.

Adurant firmas sas santziones penales, prevididas dae s’art. 76 de su DPR n°445/2000, si in casu mai dae su controllu essit a fora chi sa declaratzione sostitutiva non siat bera, sas pessonas chi  at declaradu datos non beros, at a decàdire dae sos benefìtzios e pro cussu at a èssere escluidos dae s’erogatzione de su contributu.

           

Sindia, 08/07/2011

                                                                          Su Responsàbile de su Servìtziu Amministrativu

                                                                                             Tonello Pinna

 



 

 

BANDU PRO S’EROGATZIONE

BANDU PRO S’EROGATZIONE

DE SU 

 

DE SU “BONUS”

PRO SOS/SAS PISEDDOS/AS NÀSCHIDOS/AS  IN S’ANNU 2010

 

 

 

Pubblicato in ASSESSORADU POLITICAS PRO SOS TZOVANOS, BANDOS | Lascia un commento